افغانستانلیک بیر قطار سناتورلر اسلامی جمعیت و اسلامی جنبش حزبلری اورتهسیده یوز بیرگن توقنشو شمالده طالبلر اوروشیدن کوره یامانراق دیگنلر.
سناتورلر، افغان ملی کوچلری حاضرگی کونده 24 ولایتده هم طالبلر مقابلیده اوروش قیلیب کیلماقده؛ اما، اسلامی جمعیت و اسلامی جنبش حزبلری اورتهسیده یوز بیرگن توقنشولر ملی کوچلرنی باشقه معمالر بیلن روپه ره قیلهدی دیگنلر.
سنامجلسینینگ اعضاسی گلالی اکبری، حاضرگی کونده بو ایکّی حزب اورتهسیده یوز بیرگن اوروش افغان ملی کوچلرینی طالبلر قرشیسیده بولگن اوروشنی ینه هم خوفلی قیلهدی دیگن.
اونینگ سوزلریگه کوره، اسلامی جمعیت و اسلامی جنبش حزبلری اورتهسیدهگی اوروش النگهسی باشقه ولایتلریگه آلیب باریلیشی ممکن. بیر قنچه شخصلر مذکور اوروشنی کینگیتیریشگه سعی وحرکت قیله دیلر دیگن خانم گلالی.
سنا مجلسینینگ باشقه بیر اعضاسی گل احمدرسولی، قوم، تیل، سمت وحزبی تارتیشولر مملکتنی الغاو – دلغاوگه دچار قیلیشی ممکن دیگن.
جناب رسولی، سیاسی حرکتلر رقیب حزبلری برابریده طالبلردن همکارلیک آلیشی ممکن دیب، بو مساله جنگریلرنینگ نفوذی آشیشیگه سبب بولهدی دیگن.
اما، اسلامی جنبش یاشلر کینگشی نینگ باشلیغی کنشکا ترکستانی اسلامی جنبش و اسلامی جمعیت حزبی اورتهسیدهگی قرمه قرشیلیکلرنی رد قیلیب، حاضرگی کونده ایکّی حزب هم شمالده جنگری طالبلرگه قرشی عملیاتلریگه دوام بیرماقده لر دیگن.
بو توغریده حکومت تیگیشلی ادارهلری رسمیلری فکرینی اورگهنیش اوچون آلیب بارگن سعی وحرکتلریمیز نتیجه بیرمهدی.
اسلامی جمعیت و اسلامی جنبش حزبلری اورتهسیدهگی خواطرلر بوندن چمهسی بیر آی الدین تخار ولایتیده، ولایتنینگ سابق کینگشی اعضالریدن بولمیش عینالدین رساقی بیلن اسلامی جنبش حزبی نینگ اورین باسری ملا پیرمقل کیشیلری اورتهسیده یوز بیرگن اوروشده عینالدین رساقی اولدیرگندن کیین اوج آلماقده. عینالدین رستاقی اسلام جمعیت حزبینینگ اعضاسی بولگن.
