مملکت جنوبیده جایلشگن هلمند ولایتی نینگ دولت مسووللری، ولایتدهگی نابرقرارلیکلر باعث بیر هفته ایچیده ایکّی تشقی نا دولت تشکیلاتی فعالیتینی توختتگنی توغریسیده خبر بیردیلر. بو ادارهلر نیچه بار طالبلر تامانیدن هم آگاهلنتیریلگنی ایتیلهدی.
هلمند ولایتی نینگ اقتصاد ریاستی باشلیغی محمد خان نصرت، جنوبی ولایتلر اوچون ایکینچیلیک ترقیات لایحهلر (ردف) و «دی.سی. ای» یقینده مذکورولایتده فعالیتینی توختگن دیدی سلاموطندارگه صحبت بیریب. اونینگ سوزلریگه کوره، اوشبو تشقی تشکیلات ساغلیق و قاره ماللر ساحهسیده ایش قیلیب کیلگن.
کاردیف ناملی نا دولت تشکیلات نینگ باشلیغی بریالی هلمند، ولایتدهگی نا برقرارلیک همده طالبلرنینگ آگاهلنتیریشی آرتیدن بو ایکّی نا دولت تشکیلات باغلهنیشی بیلن عمومی قتناو یوللردهگی بعضی بیر ترقیات پروژهلرنینگ ایشی هم سُستلیک بیلن آلغه آلیب باریلهدی دیگن.
سلاموطندارگه صحبت بیرگن هلنمد ولایتی ولایت کینگشی نینگ موسسهلر بولیمی مسوولی بریالی نظری، وضعیت شوندهی دوام ایتگن حالده، ولایتده فعالیت آلیب بارهدیگن باشقه تشقی نادولت ادارهلر هم فعالیتینی توختهتیشی ممکن دیگن.
او، ولایتدهگی نادولت تشکیلات نینگ فعالیتی توخته تیلمس لیگی توغریسیده «یو، اس، ای، آی، دی» یا امریکا نینگ افغانستاندهگی ترقیات لایحهلرنینگ مسووللری بیلن اوچرهشیب صحبت قیلینگن لیگینی تیلگه آلگن. لیکن اولر فعالیتلری اوچون بیرینچی شرط امنیت تامین بولیشیگه توغریدن – توغری علاقهلی دیگنلر.
محلی حکومت و امنیتی ادارهلر مسووللرینی تنقید آستیگه آلگن ولایت کینگشی نینگ باشلیغی کریم اتل، ولایت نینگ خوفسیزلیگی تامین ایتلیشی اوچون امنیتی رسمیلرنینگ بیکارگه بیرگن وعدهسی اوچون امنیت تامین بولیش گواهی بولمهگنلر.
هلمند ولایتی والیسینینگ سوزلاووچیسی عمر زواک، یقین آره ده ولایتده افغان ملی کوچلری طرفیدن کینگ حربی تازهلش عملیات اوتکزیلهدی دیگن. اونینگ تعبیریچه، ولایتده خوفسیزلیک تامین بولیشی بیلن تشقی نا دولت تشکیلاتلر فعالیتیگه شرایط یره تیلهدی.
رسمی حساباتلرگه قره گنده حاضرگی کونده ولایتده قیته قوریش، ایکینچیلیک، ساغلیق، اورگهتیش و انسان حق وحقوقلری بولیمیده کمیده 17 ایچکی و تشقی نا دولت اداره فعالیت قیلیب کیلماقده.
