ملی بیرلیک حکومت اجرایی ریاستی سیلاوکمیسیونلریگه بیریلهدیگن یاردملر کیسیلگنیدن حمایت قیلدی.
اجرایی ریاست باشلیغینینگ سوزلاوچیسی مجیبالرحمن رحیمینینگ سلاموطندارگه ایتیشیچه، افغانستان سیلاوکمیسیونلریگه جهانی جامعه تامانیدن بولهدیگن یاردملر توختهتیلیشینی خوش قرشیلهدی.
سیلاوکمیسیونلرینینگ خلق ارا حمایتچی اولکهلر هشداریگه کوره؛ مذکور کمیسیونگه قانیقرلی اوزگریش کیلتیریلمهگن صورتده، مالی همکارلیکلرینی کیسیب قویشهدی.
اجرایی ریاست سوزلاوچیسینینگ ایتیشیچه، بولهدیگن یاردملر حدیگه یرهشه ییتکیزیلیب، بو یاردملردن کوپیسی سیلاو نظامیگه اوزگریش کیلتیریش کمیسیونی اختیاریگه بیریلسین.
سیلاولر تیزیمیگه اصلاحات کیرتیش کمیسیونی ایجاد ایتیلیشی جمهور رییس و اجرایی ریاست باشلیغی کیلیشوولریدن بیری بولگن.
جمهور رییس غنی امیریکهگه سفر قیلیشیدن آلدین، شکریه بارکزینی سیلاولر تیزیمیگه اصلاحات کیلتیریش کمیسیون باشلیغی صفتیده تانیشتیرگن ایدی. بیراق خانم بارکزی اجرایی ریاست باشلیغی قرشیلیگی بیلن روپهره بولدی.
اجرایی ریاست سوزلاوچیسینینگ ایتیشیچه، مذکور کمیسیون باشلیغی تعیین ایتیلیش توغریسیده صحبتلر اوتکزیلیب بارماقده و اجرایی ریاستی جمهور رییس بویروغینی کوتهدی.
جناب رحیمیگه کوره، ملی کینگش سیلاوی یولگه قوییلیشیدن آلدین سیلاو کمیسیونلریده اصلاحات کیلتیریش لازم.
شونینگدیک اجرایی ریاست سوزلاوچیسینینگ ایتیشیچه، اوتکن جمهور رییسلیک سیلاویده قوللاب کارلیککه قول اورگن کیشیلر چیتلهنیب، محکمه بولیشی کیرهک.
سیلاوکمیسیونلریگه کوره، ملی کینگش سیلاوی یولگه قوییلیش خرجتی افغانستان حکومتی تامانیدن توللنهدی.
سیلاو شکایتلرینی تینگلش کمیسیون باش کاتبی داکتر محمدعلی ستیغنینگ سلاموطندارگه ایتیشیچه، مذکور کمیسیون خلق ارا یاردم بیرووچیلر شرطلرینی مملکت مالیه وزیرلیگی بیلن اورتهگه قویگن.
جناب ستیغگه کوره، یاردم بیرووچی اولکهلر یاردمی، پارلمان سیلاوی جاری ییل یولگه قوییلگن صورتده دوام ایتهدی.
شونینگدیک سیلاولرنی کوزه تووچی اداره لر ملی کینگش سیلاوی یولگه قوییلیشی توغری سیده خلق ارا یاردملری کیسیلگنی اوچون خواطر بیلدیرماقده.
افغانستان شفاف سیلاولر اداره سی (تیفا) باشلیغی نعیم ایوب زاده نینگ سلام وطندارگه ایتیشیچه، حکومت سیلاولر تیزیمی گه اصلاحات کیلتیرمه گن صورتده، یاردم بیرووچی اولکه لر یاردمی کیسیلیشی ممکن.
جناب ایوب زاده، تیزلیکده سیلاولر کمیسیون لری گه اصلاحات کیلتیریش لازم دیگن.
شونینگدیک سیلاولر ایرکین کمیسیون اورین باسری عبدالرحمن هوتکی نینگ ایتیشیچه، مذکور کمیسیون حاضرگه قدر پارلمانی سیلاولر خرجتینی بیللی قیلمهگن.
جناب هوتکی گه کوره، سیلاولر خرجتی حکومت تامانیدن تولنیلیشی لازم.
عین حالده ملی کینگش نی آگاهلنتیریشیچه، حکومت پارلمانی سیلاولر اوتکزیش زمانینی انیق لمه گن تقدیرده، ملی کینگش قانونی لیگی سوراق آستیده قالهدی.
نماینده لر مجلسی نینگ اعضالری سوزیگه کوره، ملی کینگش سیلاوی یولگه قوییلیش تاریخی بیللی بولمسه، نماینده لر مجلس ایشی دوام ایتیشی سوراققه دوچ کیلهدی.
افغانستان پارلمان سیلاوی جاری ییل ثور آیی نینگ 2- ده اوتکزیلیشی کوتیلردی؛ حکومت سیلاولر تیزیمی گه اصلاحات کیریتیشی سبب، سیلاولرنی اوتکزیش زمانی بیر ییل آرتده قالدیریلدی.
