پنجشیر ولایتیدن محلی بیرقطار منبعلرنینگ ایتیشلریچه، کماندو کوچلری اوتگن کیچه مملکتده سابق فوتبال فدراسیونی باشلیغی کرامالدین کریمنی قولگه آلیش مقصد ده اوچاغ آرقهلی، اونینگ اوی اوستیگه حربی عملیات اویوشتیرگن، بیراق اوشبو عملیات نتیجهسیز یکونلنگن و جناب کریم قولگه آلینمهگن.
پنجشیر ولایتی کینگش اورین باسری راحله عطایی، کرامالدین کریم نینگ اوی اوستیگه حربی عملیات اویوشتیریلیشینی حل یول بیلمهیدی. او، امنیتی کوچلردن جناب کریمنی قولگه آلیش اوچون باشقه یوللر آرقهلی اقدام قیلیشلرینی سورهیدی.
جناب کریم نینگ عایله اعضالریدن بیرقطارینی سلاموطندارگه ایتیشیچه، مذکور حربی عملیات اولر آرهسیده وحشت کیلتیرگن و آتیشمه عاقبتیده تینچ اهالی یرهلنگن.
حاضرده، پنجشیر عمومی قتناوی یولی ترافیک یوزیگه باغلنگن.
کرامالدین کریم نینگ اوی اوستیگه اویوشتیریلگن حربی عملیات پنجشیر یشاوچیلری نینگ جدی واکنشلری بیلن روپهره بولگن.
عینحالده، اوشبو ولایت محلی مسووللری، بوتوغریده بیر ییغین اوتکزیلیشیدن خبر بیرگنلر.
مملکت سابق فوتبال فدراسیونی باشلیغی کرامالدین کریم اوتگن ییل، 5 سپورتچی قیزنی جنسی اذیت قیلیشگه عیبلنیب و دایمی شکلده ورزشی فعالیتلردن محروم بولگن ایدی.
