قندهار ده مسافر تاشیووچی موترلر مسووللریدن بیری احمدالله نینگ سلاموطندارگه ایتیشیچه، طالبان گروهی، مسافر تاشیووچی موترلرنینگ نمایندهلیکلریگه اخطاریه یوباریب و بوگون "یکشنبه" دن باشلب قندهار- ارزگان قتناو یولیدن اوتیب قیتیش اوچون رخصت بیریلمهسلیگینی بیلدیرگن.
اونینگ ایتیشیچه، بوگون "یکشنبه" ایرتهدن چاغیده، قندهار- ارزگان قتناو یولیده طالبان تهدیدی سبب، توختهب تورگن 25 مسافر تاشیووچی موترنی کورگن.
اونینگ ایتیشیچه، ارزگانده موتر هیداووچیلر بیلن تماس آلگن و اولر، موترلرنینگ توختهتیلگنیدن خبر بیرگن.
ارزگان یشاوچیلریدن بولمیش علیمحمد و خدایرحم نی ایتیشیچه، یول باغلنگن، عیاللر، بالهلر و کسللر ایسیق فضا ده بند قالگنلر.
عینحالده، قندهار پولیس قومندانلیگی سوزلاوچیسی جمال ناصر بارکزی نینگ قندهار- ارزگان قتناو یولی یاپیلگنینی رد قیلیب ایتیشیچه ایتیشیچه، مذکور قتناو یول آچیق دیر و پولیس کوچلری دواملی شکلده گزمه قیلهدی.
شونینگدیک، بوگون "یکشنبه" اوشبو قتناو یولده تینچ اهالینی انتقال بیرهدیگن بیر موتر جاده چکهسیده جایلشتیریلگن ماین بیلن دوچ کیلگن و نتیجهده 3 کیشی هلاک ایتیلگن.
طالبان گروهی حاضرگهقدر بوتوغریده فکر بیلدیرمهگن.
