دایکندی محلی مسووللری نینگ سلاموطندارگه ایتیشیچه، طالبان جنگریلری اوتگن کیچه دایکندی ولایتینینگ کجران تومنیده امنیتی پوستهلر اوستیگه هجوم قیلگنلر.
دایکندی ولایتی کینگش باشلیغی شیما رستمیان نینگ سلاموطندارگه ایتیشیچه، کجران تومنیده طالبان تامانیدن اویوشتیریلگن هجومده امنیتی کوچلردن 8 تهسی هلاک ایتیلیب و باشقه 16 آتهسی یرهلنگن دیر.
اونینگ ایتیشیچه، پولیس پوستهلریدن 3 تهسی طالبان قولیگه سقوط قیلگن.
دایکندی حاکمی سوزلاوچیسی سکینه احسانی نینگ سلاموطندارگه ایتیشیچه، امنیتی کوچلر اوشبو ولایت اشترلی تومنیده ناقانونی قوراللی گروهیلرنی قولگه آلیش اوچون عملیات یولگه قوییگن بیرچاغده، طالبان گروهی کجران تومنیده امنیتی پوستهلر اوستیگه هجوم قیلگنلر.
اونینگ ایتیشیچه، کجران تومنیده امنیتی کوچلر و طالبان گروهی آرهسیده یوز بیرگن آتیشمهده طالبان جنگریلریدن 8 تهسی هلاک ایتیلیب و باشقه 4 تهسی یرهلنگن دیر.
دایکندی حاکمی سوزلاوچیسی نینگ کوپهیتیریشیچه، طالبان گروهی حاضرده ساحهنی ترک قیلگن و کنترلی امنیتی کوچلر قولیگه دیر.
کجران، دایکندی ولایتی نینگ ناتینچ تومنلریدن بیری دیر و طالبان گروهی گاهگاهی بو تومن آرقهلی دایکندی مرکزینی تهدید قیلهدی.
