.jpg)
بوگون (سهشنبه) ایرتهلب ساعت 9 ده، عیدگاه مسجدی یانیده جایلشگن ملی امنیت 10- ریاستی پارکیده کته بیر پارتلش هجوم یوزبیردی. اوشبو هجوم باشکینت کابلنینگ ایریم منطقهلرینی تیترهتدی و یشاوچیلردن بیرقطاری، ییر قیمیرلهدی دیب اویلریدن چیقگن.
امنیتی رسمیلردن بیری آتی فاش ایتیلیشینی ایستمهی سلاموطندارگه ایتیشیچه، حاضرگچه یشاوچیلردن 200 کیشی کسلخانهلرگه انتقال بیریلگن.
سلاموطندارنینگ خبرچیسی واقعه محلیدن گزارش بیره دی. دیمک پارتلاوچی ماده تولدیریلگن بیر لاری ینگی تشکیل ایتیلگن ملی امنیت 10- ریاستی یانیده توختهب تولدیریلگن مادهنی پارتلتگن. سلاموطندار خبرچیسینینگ کوپهیتیریشیچه، نیچه قوراللی هجومچی ملی امنیت ریاستینینگ بوزیلگن دیواریدن اوتیب، مذکور ریاست دفترلریگه کیرگن و حاضر ریاست ایچیدن اوق سیسی ایشیتیلهدی.
قوراللی طالبلر بیر خبرنامه ترقهتیب، اوشبو هجوم مسؤولیتینی اوز ذیمهسیگه آلگن. طالبلرنینگ ایتیشیچه، بو هجوم قوراللی طالبلرنینگ «عمری عملیاتی» تیزیمیده ریجهلنگن.
ایچکی ایشلر وزیرلیگی سوزلاوچیسی صدیق صدیقینینگ سلاموطندارگه ایتیشیچه، اوشبو واقعهده یرهلنگنلرنی انتقال بیریش اوچون نیچه امبولانس حاضرلنگن و حاضر واقعه محلی امنیتی کوچلر نظارتیده بولگن.
عین حالده، جمهورلیک ریاستی، اوشبو هجومنی امنیتی کوچلرنینگ برابریده دولتگه قرشی قوراللی عصیانچیلرنینگ مغلوبیتی دیب بیلهدی.
