فراه پولیس قومندانلیگی سوزلاوچیسی محبالله محب نینگ ایتیشیچه، اوتگن هفته پنجشنبه کونی طالبان اناردره تومنی گه هجوم قیلگن و ایکی کونلیک آتیشمهدن سونگ، مذکور گروه نینگ جنگریلری اناردره تومنی نینگ ولسواللیگی و پولیس قومندانلیگی نی نظارت گه آلگن.
اونگه کوره، اناردره تومنیده بولگن امنیتی کوچلر ولسواللیک بازارینی ایکی کیلومترلیگی ده جایلشگن حربی کوچلر قرارگاهی گه تامان آرقه چیکیلیشگن.
جناب محب نینگ اورغولشیچه، امنیتی کوچلر هوایی کوچلرنینگ حمایتی بیلن اناردره تومنی نینگ قیتریب آلیش عملیات باشلهگن.
فراه پولیس قومندانلیگی سوزلاوچیسی نینگ کوپهیتیریشیچه، اوتگن کون جمعه ایرتهلب طالبان جنگریلری نیچه تاماندن فراه شهری گه هجوم قیلیب حربی کوچلرنینگ جلبوجذب مرکزی شامل شهرنینگ ایریم قسمتلرینی نظارت گه آلگن.
اونگه کوره، امنیتی کوچلرنینگ یاردمچی کوچلری ییتیشگنیدن سونگ، طالبان آرقه گه چیکیلگن و آتیشمهلر نتیجهسیده 85 جنگری طالب هلاک و باشقه 30 تهسی یرهلنگن.
شونینگدیک، فراه ولایت کینگشی اعضاسی دادالله قانع نینگ ایتیشیچه، طالبان گروهی بو هجوم ده آغیر قربانلیک بیرگن.
عین مده، ملی مدافعه وزیرلیگی بیر خبرنامه ترقهتیب ایتیشیچه، فراه شهریده طالبان و امنیتی کوچلرنینگ آرهسیده یوز بیرگن آتیشمهده 85 جنگری طالب هلاک ایتیلگن.
شو توغریده…
طالبان فراه شهری گه هجوم قیلگن؛ جلبوجذب قومندانلیگی و اناردره بازاری سقوط قیلگن
