اوتگن کون امیریکه تشقی ایشلروزیرلیک سوزلاوچیلریدن بیری مارک تونر اوزهفتهلیک گزارشیده خبرنگارلرگه ایتیشیچه، افغانستان حکومتینینگ طالبلر بیلن تینچلیک سوزلهشیشلریگه مذکور گروه اوچون یخشی فرصت. بو اولتیریشده جناب تونر طالبلردن قولده کیلگن فرصدن یخشی ایش آلیشلرینی سورهگن.
دیمک؛ امیریکه تشقی ایشلر وزیرلیگینینگ سوزلاوچیسی طالبلرنی افغانستان تینچلیک لایحهسیدن حمایت قیلیب اونگه قوشیلیشلرینی ایستهگن؛ او شونینگدیک پاکستاندن هم تینچلیک سوزلهشیشلری اوچون یخشی میانجیگرلیک قیلیشینی اورغولهگن.
شونینگدیک تینچلیک سوزلهشیشلری بارهسیده بولهدیگن موضوعلر حکومت اجرایی ریاستی بیلن امیریکه بیرلشمه ایالتینینگ افغانستاندهگی اویژه نمایندهسی ارا اوتکزیلگن اوچره شووده بولگن ایدی.
اوتگن کون بو اوچره شوو بولیب اوتگن ایدی، امیریکه نینگ افغانستان و پاکستان اوچون یوباریلگن ویژه نمایندهسی دانیل فیلدمن خوفسیزلیک کوچلرینینگ تروریسمگه قرشی کورهشگنلریدن آلقیشلهگن و افغانستان حکومتی بیلن طالبلر ارا آلدینگی یوتوقلر اسرهتیلگن حالده بولهدیگن سوزلهشیشلرنی امیریکه حمایت قیلهدی دیگن.
بو اوچره شووده امیریکه نینگ افغانستاندهگی ایلچیسی هم بار ایکن.
ینه بیرتاماندن ایسه، چین تشقی ایشلر وزیرلیگینینگ سوزلاوچیسی لوکانگ هم بیر خبری انجمنده افغانستاندهگی اوروش عامللریدن تینچلیک سوزلهشیشلرینی یخشیلیک بیلن اوتکزیشلرینی ایستهگن و بو مذاکره ایجابی تاثیرینی هرحالده بولسه کوزدن چیقارمسلیکلریگه تاکید قیلگن. جناب کانگ افغانستان تینچلیگی برچه اوروش میدانیدهگی گروهلر و قوشنی اولکهلر نفعیگه ایکنلیگیگه تأکید قیلگن.
چین تشقی ایشلر وزیرلیگینینگ سوزلاوچیسی ، اولکهسی افغانستان حکومتی و طالبلر گروهی ارا تینچلیک سوزلهشیشلری یخشیلیک بیلن اوتیش اوچون پاکستاننی تشویق قیلهدی دیگن.
امیریکه و چین اولکه لرینینگ افغانستان بیلن طالبلر ارا بیرینچی دور رسمی شکلیده اوتکزیلگن تینچلیک سوزلهشیشلرگه نمایندهلری بار ایدی.
انه شو حالده ملاعمر اورنیگه ملامنصورنی تنلهنیش احتمالی تینچلیک سوزلهشیشلر ایکی تامانیگه ایشانچ بیرگن.
«اسوشیتد پرس» خبرگزارلیگینینگ ترقهتیشیچه، طالبلر گروهی باشلیغی ملامحمد عمرنینگ اولگنی اعلان بولیشی بیلن ملا اخترمحمد منصور طالبلر رهبرلیگینی قولگه آلدی. ایتیلیشیچه، اونینگ پاکستان رسمیلری بیلن یقین رابطهسی بولگن.
ایتیلیشیچه، طالبلرینگی رهبرینینگ پاکستان رسمیلری بیلن یقینلیگی ایکی تامانلمه تینچلیک سوزلهشیشلر اوچون ایجابی تاثیری بولیشی کوزه تیلهدی.
هرحالده طالبلرنینگ ینگی رهبری طالبلربیرلیگینی اسرهب قالیشی اساسی قیینچیلیکلریدن سنله دی. اوچ ییلدن بویان ملامنصور ملاعمرنینگ اورین باسری حیثیده ایدی و طالبلر ارا ایکینچی شخص تانیلردی.
پاکستانده افغانستان حکومتی بیلن طالبلر ارا ایکینچی دور تینچلیک سوزلهشیشلری 9- اسد ده بولیب اوتیلیشی کوتیلردی، بیراق اوتگن کون کیش قورونده پاکستان تشقی ایشلر وزیرلیگینینگ رسمیلری بوگروه رهبری ملاعمرنینگ اولیشی سبب اولتیریش کیینگه تشلهنیشینی ایسته دی.
پاکستان تشقی ایشلر وزیرلیگینینگ رسمیلریگه کوره، طالبلر ییریک باشلیغلری تینچلیک سوزلهشیشلری کیینگه توشیشینی ایستهگن ایکن.
