افغانستان ایرکین اوی میدیا ترماغی، بیر تحقیقی گزارش ترقهتیب ایتیشیچه، اوتگن 14 ییلده افغانستاننی 18 ولایتیده دولتگه تیگیشلی چمهسی ایکی میلیون جریب ییر (1954245 جریب) غصب بولگن.
بیراق، نمایندهلر کینگشینینگ خاص کمیسیونی و دولت یوکسک ادارهسینینگ رقمیگه کوره، 34 ولایتده دولتگه تیگیشلی چمهسی بیر میلیون و 300 مینگ جریب ییر غصبگه آلینگن.
اوشبو ترماغ تامانیدن (ییر غصبی قاره موسوم) آتی آستیده ترقهتیلگن گزارشده، حامد کرزینینگ حکومتی دورانیگه اشاره قیلینگن و اوشبو معلومات اساسیده، ییرلرنی کوپینچهسی شو دورده غصبگه آلینگن و اوشبو ییللرده «میلیاردلرچه دالر» ییر غصبی اوچون ییر مافیالرینینگ کیسهسیگه کیرگن.
ایرکین اوی رسمیلرینینگ ایتیشیچه، بو ییرلر ساخته حجتلر، بویروغ و حکملر، آرشیف و دولت رسمی ادارهلریدهگی حجتلرگه قول تاپیش، سالیق بیریش برگهلر، وکالت خط، وصیت نامه، توپراق پولی، وراثه حجتی، بیانات نامه و باشقه شو کبی حجتلر ارا غصبگه آلینگن. شونینگدیک، قطار زورهوان کیشیلر، حاکملر، شهردارلر، دولت قضایی ادارهلری و خوفسیزلیک حوزهلرینینگ همکارلیگیده دولتی ییرلرنی غصب قیلگن.
اوشبو گزارش معلوماتی اساسیده، دولتی ییرلردن کوپینچهسی، کابل، هرات، بلخ، قندهار، ننگرهار، قندوز، کاپیسا، بغلان، تخار، نیمروز، خوست، لوگر و غزنی ولایتلریده غصبگه آلینگن.
شونینگدیک اوشبو گزارشده ایتیلیشیچه، «نورستان، دایکندی، پکتیکا، پنجشیر و غور ولایتلریده شهرچه و بلند منزل قوریشگه ییر بولمهگنی و تاغلیک بولگنی باعث، دولتی ییرلر آز غصبگه آلینگن».
ایرکین اوی مسؤوللریدن بیری شاهحسین مرتضوینینگ، اوتگن (یکشنبه کون 2- حوت) اوشبو گزارشنی ارایه ایتیش چاغیده ایتیشیچه، افغانستانده 15831 کیشی ییر غصبیگه عیبلنگن. عین حالده، ملی کینگش نمایندهلری و حکومت رسمیلریدن بیرقطارینینگ آتلری دولتی حجتده غاصب صفتیده کیریتیلگن، بیراق هیچ کیم اولرنی تیکشیرمهگن.
جناب مرتضوینینگ ایتیشیچه، قوم باشلیغلری، محلی زورهوانلر، جهادی قومندانلر، سیاسی حزبلرنینگ باشلیغلری، آق سقاللر، ناقانونی و قاره پولی بولگن بایلر، شهردارلر، پولیس و اردو افسرلری، ملی کینگش نمایندهلری، تومن کینگشلری، والیلر، سابق کابینه اعضالری و پولیس قومندانلری اوتگن ییللرده کوپینچه دولتی ییرلرنی غصبگه آلگن.
اوشبو گزارش اساسیده، افغانستانده 355 قانونی و ناقانونی شهرچه قوریلگن و اوشبو شهرچهلرنینگ ایگهلری، 262 مینگ جریب دولتی ییرنی غصب قیلگن.
گزارشده کیلیشیچه، افغانستانده هیچ بیر ییر غاصبلردن امان قالمهگن و زورهوانلر صنعتی شهرچهلر، مهاجرلر، اوقوتووچیلر، مسجدلر، معارف، بالهلر باغچهسی، سینمالر و گورستانلرگه تیگیشلی ییرلرنی غصبگه آلگن.
ایرکین اوی گزارشیگه کوره، غصب قیلینگن ییرلر جملهسیدن، یالغیز 93704 جریب ییر غاصبلردن قیته آلینگن و اوشبو ییرلردن 90 فایزینینگ تقدیری بیللی ایمس.
پیام لر
ایرکین اوی، رواجلنتیریش لایحهلر تطبیق ایتیلمهگنی، یشش محیط بوزیلیشی، بشر حقلری کوزگه توتیلمهگنی، قومی قرهمه قرشیلیکلر، تاریخی آبدهلر و ییرلر بوزیلیشینی غصبگه آلینگن ییرلر پیامی دیب بیلهدی.
اوشبو ترماغنینگ معلوماتی اساسیده، غاصبلر دولتگه «اونلرچه میلیارد دالر» زیان ییتکیزیشیگه قوشیمچه، کینگ کولمده بشر حقلرینی نقض قیلگن. « اوتگن نیچه ییل جریانیده، کابل، خوست، ننگرهار، غزنی، هلمند و قندهار ولایتلریده اهل هنودگه تیگیشلی 90 فایزدن آرتیق ییر غصبگه آلینگن».
شونینگدیک گزارشنی کوپهیتیریشیچه، قطار قوملر اورتهسیده غصبگه آلینگن ییرلردن کوتریلگن قرهمه قرشیلیکلر نتیجهسیده، اونلرچه کیشی اولیب و یرهلنگن.
ایرکین اوی ترماغی اوشبو 100 صحیفهلیک گزارشینی اداغیده، افغانستان حکومتیگه قیینچیلیکلرنی حل ایتیش، قیته تیکلش و قانونلرگه اصلاحات کیریتیش و غاصبلرنی جزالش خصوصیده، صلاحیتلی خاص محکمه ایجاد ایتیلیشی توغریسیده، بیر 17 مادهلیک تکلیفنامه ارایه ایتگن.
