حکومت اجراییه باشلیغی عبدالله عبدالله اباسین قضیهسیده عدالت تأمینلهنیش وعدهسینی بیرگن.
5 آی آلدین 14 یاشر اباسین ناملی ییگیت کابل کارته نومنطقهسیدن اوغیرلندی و نیچه آی اوغریلر قمراویگه قالیشی بیلن نیچه کون آلدین اوغریلر قولیده اولدیریلدی.
وزیرلرکینگشیده سوزگه چیقیش قیلگن اجراییه باشلیغی اباسین قتلینی ییریک جنایت دیدی.
اباسین کابل کارته نو منطقهسیده مکتبدن اوی تامان کیتیش چاغیده ناتانیش شخصلر واسطهسی بیلن اوغیرلندی و آدم اوغریلر ایسه اونینگ عایلهسیدن 200 مینگ دالر تقاضا قیلیندی.
اباسین عایله اعضاسی ایسه کوپلب تلاش قیلیشلری بیلن 80 مینگ دالر تیار قیلدیلر، اما اوغریلر بو پولنی قبول قیلمهدی و اباسیننی بیر برماغینی کیسگندن سونگ، اونی هلاکتگه بیردیلر.
بیرلشگن ملتلر تشکیلاتی هم شو اخیرده بالهلرگه قرشی خشونتلر کوپهیگنلیگینی معلوم قیلگن ایدی و شونینگدیک افغانستان بالهلری ساغلیق مرکزلریدن اوزاق قالگنلرینی بیلدیرگن ایدی.
