افغانستان معارف وزیری اسدالله حنیف بلخی، مذکور وزیرلیکنینگ سابق مدیرلرنی تنقید قیلیب ایتیشیچه، شاشیلینچ همده اعتبار بیرمسدن مملکت بویلب ترقهتیلگن 25 میلیون کتابده املایی و انشایی خطا موجود بولگن.
بوگون بلخ ولایتیده معارف ادارهسینینگ رسمیلری اشتراکیده سوزلهگن افغانستان معارف وزیری اسدالله بلخی، بو وزیرلیککه بارگندن بیری هندوستان همده ویتنام کمپنیلری بیلن بولگن شرطنامهنی بیکار قیلگن لیگنی بیلدیرگن. مذکور کمپنی اوشبو کتابلرنی ویرایش قیلیش اوچون فرصتی بولمهگن.
بلخینینگ سوزلریگه قرهگنده، معارف وزیرلیگینینگ سابق بلند مرتبهلی رسمیلری، کته مقداردهگی مبلغلرنی خطا چاپ ایتیلگن کتابلرگه صرفلهگنلر.
شونینگدیک مملکت معارف وزیری، میلادی جاری ییلده 50 میلیون کتاب چاپ ایتیلیشی بارهسیده خبر بیرگن. شونینگدیک او، مذکور کتابلرنی چاپ قیلیش اوچون 25 میلیون دالر نظرده توتیلگن دیگن.
عین حالده، اسدالله بلخی، معارف وزیرلیگی چاپ ایتیله دیگن کتابلر خطاسیز باسیلیشی اوچون سعی وحرکت قیله دیلر دیگن.
سابق چاپ ایتیلگن کتابلرنی خطاگه توله لیگیچه باسیلگنی همده معیارگه ماس بولمهگن لیگی هر دایم ییریک تنقیدلرگه سبب بولیب کیلگن.
عین حالده، سابق معارف وزیری محمد فاروق وردک، پارلمانده قیلگن چیقیشیده باسیلگن کتابلردن هر کیم بیر خطا تاپگن حالده، اوز لوازمیدن استعفا بیریشنی تیلگه آلگن ایدی.
قابلیت یوق لیگی
بلخی، مملکت معارف وزیرلیگیده ییترلی درجه ده بودجه بولگن. اما، بو بودجهنی درست صرفلش اوچون قابلیتلی شخصلرنی اوزی بولمهگن دیگن. نیچه ییل جریانیده افغانستان معارف وزیرلیگی 55.7 میلیون دالر یاردم بولگن. لیکن، قابلیت یوقلیگی سبب فقط 19 میلیونی صرفلنگن.
جناب بلخی، مذکور وزیرلیک اورگهتیش واورگهنیش رواجلهنیش برنامهسینی نابرقرار منطقهلردن تینچ منطقهلرگه آلیب کیلینیشی بارهسیده خبر بیرگن.
