کابل – اسلامآباد علاقهسی ملی بیرلیک حکومتی تشکیل ایتیلگنیدن کیین یخشی بولدی و بو علاقه دنیا بویلب کوپینچه سیاستچیلر تامانیدن خوش قرشیلندی. شوندهی بیرحالده، طالبلر سابق رهبری ملاعمر اولیمی خبری و ملااخترمحمد منصورنینگ اونی اورنیگه تعیینلنیشیدن کیین، ینه بیربار طالبلر هجومی شدتلنیب و نتیجهده ایکی مملکت علاقهسی ینه سستلهشیشگه باشلهدی.
مملکت جمهور رییسی سونگی سوزلری جریانیده، خودکش و پارتلش هجوم برنامهلری پاکستان توپراغیده ریجهلنیشی و مذکور مملکت تروریستلر برابریده جیم تورگنلیگنی جدی صورتده تنقید قیلدی.
جناب غنینینگ بیر خبری ییغینده ایتیشیچه، پاکستان، طالبلرنینگ مذاکره میزی اوستیگه حاضرلشگه قادر بولمهگن صورتده، کمیده توپراغیده بولگن ترورچیلر مرکزینی نابود قیلیشی لازم.
جمهور رییسنینگ، بو حرکتی بیرقطار ایش بیلرمانلر و سیاستچیلر تامانیدن ایجابی بهالهنیب و اولر جناب غنینینگ بو سوزیدن حمایت قیلگنلر.
ملی امنیت سابق باشلیغی امرالله صالحنینگ اوز فسبوک صحیفهسیده یازیشیچه، حاضر جمهور رییس مملکت یشاوچیلری بیلن بیر سیس بولیب و بیرینچی مرته اولرنینگ یورهگیدن سوزلهگن.
باشقه تاماندن پارلمان نمایندهلرینینگ سلاموطندارگه ایتیشیچه، جمهور رییس و اجراییه باشلیغینینگ پاکستان، افغانستان برابریده صداقت بیلن حرکت قیلمسلیگی و مذکور مملکت تامانیدن اوروش پیامی یوباریلیشی توغریسیدهگی سوزلریدن جدی صورتده، حمایت قیلهدی.
پارلمان نمایندهسی عبدالولی نیازینینگ ایتیشیچه، پاکستان هیچ قچان افغانستان برابریده صادق بولمهگن و حاضرهم اوشبو مملکت افغانستانگه قرشی ریجه توزهتماقده.
شونینگدیک، ابن سینا بیلیم یورتینینگ سیاسی علوم و حقوق استادی محمدقاسم عرفانینینگ سلاموطندارگه ایتیشیچه، تاریخی دشمندن تینچلیک کوتیش خطا دیر. جناب عرفانینینگ ایتیشیچه، حاضر ایسه پاکستاننی کوچسیزلنیشی و افغانستاننی کوچلنیشی توغریسیده بیر منطقهیی استراتیژی توزهتیش لازم.
جمهور رییسنینگ سونگی خبری ییغینده ایتیشیچه، عصیانچیلر ایشخانهسی پاکستانده بولگن و حقیقتده بو افغانستان خلقیگه قرشی آچیق دشمنلیک دیر.
پاکستان تشقی ایشلر وزیرلیگینینگ بیر خبرنامهده یازیشیچه، افغانستان جمهور رییسینینگ سوزلریده بولگن هر بیر سوزنی رویخطگه آلگن. اوشبو خبرنامهده کیلیشیچه، ایکی مملکت عصیانچیلیک بیلن روپهره بولگن و بو عصیانچیلیککه قرشی اویغونلیکده کورهشیش لازم.
باشقه تاماندن، هند میدیالریدن بیرقطارینینگ گزارش بیریشیچه، هندوستان و ایران 90- دهه دیک بیرلهشیشنی ایستهیدی. و بو بیرلیک پاکستاننی ارهلشلری و اوشبو مملکت طرفداری بولگن طالبلرگه قرشی ایجاد ایتیلگن.
