پاکستان حربیلرگه تیگیشلی اوچاقنینگ لوگر ولایتیده فوقالعاده حالتده قونگنلیگیدن آلتی کون اوتماقده.
پاکستان حربی کوچلری مرکزی قوماندانی راحل شریفنینگ اوغلی شامل ییتی یولاوچی همده افغانستان حکومتینینگ بلند مرتبهلی رسمیلری بیر قنچهسینینگ رویخطی، نیچه ته قورال – ییرال مینگلب دالر و کلدار موجود تیک اوچرنینگ معماسی هنوزگچه هم حل ایتیلمی قالگن.
اوشبو اوچاق فوقالعاعده حالتده قونگندن سونگ یولاوچیلر برچهسی جنگری طالبلر قولیگه توشدی. افغانستان حکومتی درحال خبری کنفرانس اوتکزیب، مذکور حادثه یاروتیلیشی اوچون مخصوص کمیسیون تشکیل ایتیدی.
اما، لوگر ولایتینینگ بلند مرتبهلی رسمیلری، اوشبو شخصلر آزاد ایتیلیشی اوچون قوراللی طابلر بعضی بیر طلبلرنی ایلگری سورگن دیگنلر.
لوگر ولایتی ازره تومنینینگ حاکمی حمیدالله حمید، پاکستان، جنگری طالبلر آرقهلی قولگه آلینگن اوچاقنینگ یولاوچیلری آزاد ایتیلیشی اوچون اوشبو حرکتنینگ تصروفیده بولگن منطقهگه هیات یوبارگن.
جناب حمیدگه کوره، بیر قنچه قوم یاش اولوغلری، ملی اردو سوزلاوچیسینینگ اورین باسری ینه کیملیگی معلوم ایتیلمهگن کیشیلر کمیسیونگه اعضالیک قیلهدیلر دیگن.
ازره تومنینینگ حاکمی، پاکستان حربی اوچاقیدن قولگه آلینگن یولاوچیلر قوییب یوباریلیشی اوچون " حرکتنینگ پاکستان تورمهسیدهگی طالب قوماندانی آزاد ایتیلیشی و بو مملکتدهگی طالبلر اعضاسیگه دایمی ییش کارتی" بیریلیشینی سورهگنلر. اونینگ سوزلریگه کروه، طالبلرنینگ کویتهدهگی وکلالت خانهسی پاکستان تامانیدن باسیم آستیگه آلینگن بیر پیت اوشبو گروهنینگ افغانستان بولیمی پاکستانلیک حربیلر قوییب یوباریلیشی اوچون طلبلرنی ایلگری سورمقادهلر.
عین حالده، اوچاقنینگ یولاوچیلری آزاد ایتیلیشی اوچون افغانستان حکومتی هم سعی وحرکت باشلهگن. لوگر ولایتینینگ ولایت کینگشی اعضالریدن بیری عبدالولی وکیلی گه کوره، پاکستانلیک محبوسلرنینگ ساغلیق وضعیتی یخشی.
پاکستان باش وزیری نواز شریف، مملکتینینگ فقراسی قوراللی طالبلر قولیدن آزاد ایتیلیشی اوچون هیچ قندهی سعی وحرکتدن چرچهمسلیگینی بیلدیرگن.
اوشبو اوچاق فوقالعاده حالتده قونگندن نیچه ساعت اوتمی پاکستان حکومتینینگ بلند مرتبهلی رسیملری اوشبو اوچاق افغانستان حکومتی هماهنگلیگی بیلن تیکلهنیش اوچون اوزبیکستان اوتیش نیتده ایدی دیگنلر.
عین حالده، تصدیق ایتیلمهگن بعضی گزارشلرده اوشبو اوچاق ننگرهار ولایتیگه داعش حرکتیگه پول ییتکزیب بیریش نیتده بولگن بیر چاغده جنگری طالبلر طرفیدن نشانگه آلینگن لیگی ایتیلهدی.
