غزنی شهرینینگ یقینیده البیرونی قیزلر عالی مکتبی پارتلهتیلدی.
غزنی شهرینینگ قرهباغ قیشلاغی یشاوچیلریدن بیرقطارینینگ سلاموطندارگه ایتیشیچه، بوگون ایرتهلب بامداد چاغی ساعت 1 اطرافیده مذکور مکتب پارتلهتیلگن.
آتی فاش ایتیلیشینی ایستَمهگن قیشلاق یشاوچیلریدن بیرینینگ ایتیشیچه، اوشبو مکتب بیر کرایی منزلده بولیب و 1000 دن آرتیق اوقیووچی بو مکتبده درس اوقیدی ایکن.
اونگه کوره، پارتلش نتیجهسیده، مکتبنینگ ادارهسی و درسی صنفلری بوزیلگن.
اوشبو خبرنی تصدیقلگن غزنی ولایتینینگ اورگهتیش و تربیهلش/ معارف باشلیغی محمدعابد عابدنینگ ایتیشیچه، حاضرگچه هیچ بیر گروه بو ایش مسؤولیتینی بوینیگه آلمهگن.
جناب عابدگه کوره، پولیس کوچلری واقعه عامللرینی تانیب و قولگه آلیشی خصوصیده تیرگاو باشلهگن.
قرهباغ قیشلاغی غزنی شهرینینگ 20 کیلومترلیگیده جایلشگن و اوشبو شهرنینگ ناتینچ قیشلاقلریدن بیری سنَلهدی.
اوشبو قیشلاق طالبلرنینگ نظارتیده دییلهدی، بیراق حاضرگچه مذکور گروه مکتبده یوز بیرگن واقعه توغریسیده هیچ نرسه دیمهگن.
شونینگدیک، جوزجان معارف ریاستی مسؤوللرینینگ ایتیشیچه، اوتگن کیچه درزاب تومنینینگ سردره قیشلاغیدهگی مغلالقانی، ابوذر غفاری و امام بخاری مکتبلرینینگ درسی کتابلری شامل برچه نرسهلری داعش گروهی تامانیدن آلیب کیتیلگن.
اوشبو مطلبنی بیان قیلگن درزاب ولسوالی رحمتالله حشرنینگ ایتیشیچه، بو نرسهلرنینگ ارزشی 500 مینگ افغانیدن آرتیقراق بولر ایکن.
