نورستان ولایتیده بیر قیز اوییدن قوراللی طالبلرنی تیز – تیز کیلیب کیتیشی و اولر تامانیدن تینیم سیز ایشگه بیریلیشی اوچون ملی اردو کوچلریدن باش پنه ایزلهگن.
سیلاب 201- قول اردو قوماندانلیگی نینگ سوزچیسی معمد نعیم هاتف نینگ سلام وطندارگه بیلدیریشیچه، اوتگن کون کیچ جمعه 8 – حوت ولایت نینگ نورگرام ولسوالیگی یشاوچیسی اون سکیز یاشلی لعل مینه ناملی قیز قولیدهگی قورالی بیلن ولایتدهگی ملی اردو کوچلریگه تسلیم بولگن.
هاتفگه کوره، مذکور قیز اوییدن قوراللی طالبلرنی تیز – تیز کیلیب کیتیشی همده اونگه هر قندهی آغیر ایش بویریشلری باعث ملی اردو کوچلریدن باش پنه سورهگن.
سیلاب 201- قول اردوسی نینگ سوزچیسی، بوندهی عمل بیرینچی مرته بیر قیز آرقهلی بجیریلگنلیگینی تیلگه آلگن.
شونینگ دیک هاتف، ملی اردو کوچلری اوشبو قیزنی منطقه دهگی قوم یاش اولوغلریدن بیریگه تاپشیریگنلر. دولت قوراللی مخالفلری هنوزگچه بو توغریده هیچ نرسه دیمهگن.
بوندن نیچه وقت آلدین نورستان ولایتی نینگ نمایندهلر، ولایت نینگ ایریم منطقه لریده قوراللی طالبلر موجود لیگینی ایتگن ایدیلر. نمایندهلر مرکزی حکومت جنگریلرنی آلدی آلینیشی اوچون عملده حرکت قیلمه گن تقدیرده، اوشبو ولایت تینچلیگی جدی تهدید بولیشی بارهسیده آگاهلنتیرگن ایدیلر.
بوندن تشقری، کامدیش و برگمتال ولسوالیکلریده هم جنگری طالبلرنینگ حضوری بارلیگی ایتیلهدی.
