سرپل محلی مسووللری، اوشبو ولایت نینگ سانچارک و سوزمهقلعه تومنیده طالبان هجومی عاقبتیده، امنیتی کوچلردن 11 تهسی نینگ هلاک ایتیلگنیدن خبر بیرگنلر.
سرپل حاکمی سوزلاوچیسی ذبیحالله امانی نینگ سلاموطندارگه ایتیشیچه، مذکور تومنلرده امنیتی کوچلر و طالبان آرهسیده یوز بیرگن آتیشمهلر عاقبتیده، امنیتی کوچلردن 11 تهسی هلاک و باشقه 19 تهسی یرهلنگن دیر.
عینحالده، سرپل ولایتی کینگش اورین باسری سیداسدالله دانش نینگ ایتیشیچه، سانچارک تومنیده طالبان هجومی باعث، محلی پولیس کوچلریدن 8 تهسی هلاک و باشقه 8 تهسی یرهلنگن دیر.
اونینگ ایتیشیچه، شونینگدیک، سوزمهقلعه تومنیده اوشبو گروه تامانیدن اویوشتیریلگن هجوم عاقبتیده، محلی پولیس کوچلریدن 6 تهسی هلاک و باشقه 4 تهسی یرهلنگن. جناب دانشگه کوره، طالبان جنگریلری امنیتی کوچلرنینگ حربی تجهیزاتلرینی اوزلری بیلن آلیب کیتگن.
طالبان گروهی حاضرگهقدر بوتوغریده صحبت قیلمهگن.
