ننگرهار ولایتینینگ سرخرود تومنی یشاوچیلریدن بیرقطارینینگ ادعاقیلیشیچه، اوشبو ولایتده ملی خوفسیزلیک ریاستینینگ 02 خاص قطعهسیگه تیگیشلی کوچلرنینگ عملیاتیده 5 تینچ اهالی هلاک ایتیلگن.
ننگرهار یشاوچیلری، ناراضیلیک شکلده مذکور کیشیلرنینگ جسدلرینی ولایت حاکمینینگ دفترینی اونگیده آلیب کیلیب و ناراضیلیک بیلدیرگنلر.
اعتراضچیلرنینگ ایتیشیچه، امنیتی کوچلرنینگ عملیاتیده هلاک ایتیلگن کیشیلرنینگ طالبان گروهی بیلن هیچ قندهی علاقهسی یوق ایکن.
اعتراضچیلر حکومتدن اوشبو واقعهلرینی عدلی و قضایی ادارهلریگه تانیشتیریشینی سورهگن.
بیراق، ننگرهار حاکمی سوزلاوچیسی عطاالله خوگیانینینگ ایتیشیچه، اوتگن کیچه ملی خوفسیزلیک ریاستینینگ خاص کوچلرینی عملیاتیده طالبان گروهینینگ ییریک اعضالری نشانگه آلینگن.
خوگیانی گه کوره، اوشبو عملیاتده تینچ اهالیگه زیان ییتمهگن و اولر بو توغریده تیرگاو باشلهگن.
بوندن آلدین هم مملکت شرقی ولایتلریده افغان و چیتایللیک کوچلرنینگ عملیاتیده تینچ اهالی گه زیان ییتگنی باعث، مذکور ولایتلرنینگ یشاوچیلری ناراضیلیک بیلدیرگن ایدیلر.
شونینگدیک، جاری هفته شنبه کونی کنر ولایتینینگ نرنگ تومنیده چیتایللیک کوچلرنینگ هوایی عملیاتیده بیر عایلهنینگ 3 بالهسی هلاک ایتیلگن ایدی و محل یشاوچیلری، ناراضیلیک شکلده کنر-جلالآباد قتناو یولینی نیچه ساعت باغلهگن ایدیلر.
