قندوز ولایتی نینگ ملی امنیت ریاستیدن بیر منبع نینگ سلاموطندارگه ایتیشیچه، امیریکهلیک پهبادلر هجومی نتیجهسیده، طالبلرنینگ قندوزگه ناملنگن والیسی اورین باسری اسدالله و تاجکستانلیک 7 جنگری اولگن و باشقه 30 تهسی یرهدار بولگن.
منبعگه کوره، بوگون جمعه ساعت 12:15 ده کلبات تومنی نینگ ملاقلی قیشلاقیدهگی طالبلر مرکزی اوستیده هجوم اویوشتیریلگن.
منبعنینگ کوپهیتریشیچه، قندوزده طالبلرنینگ ناملنگن والیسی اورین باسری ملااسدالله مظلوم 4نفری بیلن، تخار طالبلری نینگ قومندانلریدن قاری سعید 9 نفری بیلن، ایکی کیشی ماین توزه تووچی و خودکش هجوملر اورگهتووچیسی و تاجکستانلیک 7 جنگری اولدیریلگن. او، اولدیریلگنلر ارا کیملیگی انیقلنمه گن 22 تشقی شهرداشلی عیال هم شامل.
منبعنینگ معلوم قیلیشیچه، داعشگه یاردم بیریش عیبی بیلن طالبلر تورمهسیده حیات کیچیرهدیگن 4 طالب هم اولدیریلگن.
قندوز ولایتی نینگ دشت ارچی تومنی باشلیغی نصیرالدین سعدی نینگ حادثهنی تأیید قیلیب ایتیشیچه، حادثه ییری طالبلر قولیده و کیشیگه محلدن اوتیشگه رخصت بیرمیدیلر.
اما طالبلرنینگ خبرنامه ترقهتیب ایتیشلریچه، حادثهده طالبلرگه وفادار 4 کیشی جان بیرگن.
مذکور گروهنینگ سوزلاوچیسی ذبیحالله مجاهدنینگ ایتیشیچه، حادثه روی بیرگن پیتده طالبلرنینگ تانیقلی قومندانلریدن هیچ بیریسی محلده حضوری بولمه گن.
ینگی تشکیل ایتیلگن کلبات تومنی بوندن آلدین قندوز ولایتی نینگ دشت ارچی تومنیگه منسوب بولردی که شوحاضر بومحله طالبلرکنترولیده.
