بوگون «چهارشنبه» ساعت 12 اطرافیده بیر گروه خودکش هجومچی ایچکی ایشلر وزیرلیگینینگ ینگی بِناسی اوستیگه هجوم قیلگن.
ایچکی ایشلر وزیرلیگی سوزلاوچیسی نجیب دانش نینگ ایتیشیچه، خودکش هجومچیلر 8 کیشی ایکن و اولردن بیری دستلب اوزینی ایچکی ایشلر وزیرلیگینینگ بیرینچی چیک پاینتیده پارتلتگن و باشقه پارتلاوچی واسکت کییگن 7 تهسی پولیس بیلن قیلگن اوروشده هلاک ایتیلیب و آتیشمه یکونلنگن.
جناب دانش گه کوره، خودکش هجومچیلر خلق ارا کوچلرینینگ نقلیه واسطهسی دیک ایکی لندکروزر تیپلی موترگه مینگن ایکنلر. عین حالده، اجتماعی ترماقلرده خودکش هجومچیلردن ترقهتیلگن صورتلرده اولرنی امریکا حربی کوچلرینینگ کییمیده کورستهدی.
ایچکی ایشلر وزیرلیگینینگ سوزلاوچیسی گه کوره، اوشبو واقعه گه پولیس کوچلریدن 6 تهسی یرهلنگن؛ بیراق تیینچاهالی زیان کورمگن.
عینحالده سیاسی بیلرمانلردن بیری عتیق الله امرخیلنینگ سلام وطندارگه ایتیشیچه، جمهورلیک ریاستینینگ ملی خوفسیزلیک مصلحتچیسی حنیف اتمرنینگ پاکستان گه قیلگن سفریدن سونگ اوشبو هجوم یوز بیریشینینگ پیامی انهشوکه اسلامآباد طالبلرنی کنترول قیله آلمیدی.
جناب امرخیلنینگ ایتیشیچه، شونینگدیگ هجوملرده بیرقطارکشیلرنینگ هلاک و یرهلنگنی معیار ایمس، اونملی حربی مرکزلرده هجوم قیلیش قدرت مانور دیر و مملکت استخباراتی دستگاه سینی ضعف بولگنی نی کورستهدی.
رمضان مبارک آیده بو بیرینچی تروریستی هجوم بولیب و حاضرگچه هیچ گروه اونینگ مسوولیتی نی بوینیگه آلمهگن.
بوندن آلدن طالبان گروهی بیر اعلامیه ترقهتیش بیلن کابل یشاوچیلریدن حربی مرکزلر ییقینلریدن اوتیب قیتمهسینلیگی نی ایستهگن ایدی؛ چونکه اوشبو مرکزلر کپراغ هجوم آستیده قرار بیریلهدی.
