فاریاب ولایتی کوهستان تومنی یشاووچیلری نینگ بیر قنچهسی، مذکور تومنگه آلیب کیلینه دیگن ییگولیک آذیق آوقت همده قیشگی کییم – کیچک یوکلنگن کاروان طالبلر تامانیدن توختهتیلیب اوتگه یاندیریلگن دیگنلر. ولایت مرکزی المار تومنیده بارازیده یوکلهنیب اوشبو کاروان میمنه یولی بیلن کوهستانگه آلیب کیتیلهدیگن چاغده طالبلر تامانیدن اوتگه یاندیریلیب یوباریلگن.
شونینگدیک جنگری طالبلر یولده مذکور کارواننی اوتگه یاندیریشدن علاوه بیر خاتیننی هم کلتکلهگن.
کوهستان تومنی نینگ یشاووچیسی حبیبالله جییهنی بیلن قرایی بازاریدن 30 مینگ افغانیگه ییگولیک آذیق آوقت ساتیب آلیب کوهستان تامان یول آلگنده قرمقول درهسی ناملی منطقهده طالبلر آرقهلی یوللری توسیللگن لیگینی ایتگن.
عین حالده، یشاووچیلردن باشقه بیری بیبی سعدیهگه کوره، قیزی نینگ تویی اوچون شهردن کیرهک بوله دیگن نرسهلرنی ساتیب آلگن، اما، طالبلر کیلین نینگ بوتون کییم – کیچکلری و توی اوسکونهلرینی بوتونلی اوتگه یاندیریب یوبارگن.
فاریاب پولیس قوماندانلیگی نینگ امنیت آمری امانالله ظافر حادثهنی تصدیقلب، تومن یولی امنیتی تامین بولیشی اوچون حل یول تاپیشلرینی ایتگن.
طالبلر هنوزگچه بو توغریده بیرار نرسه دیمه گن.
