ساغلیقنی سقلش وزیرلیک رسمیلری نینگ ایتیشیچه، تریاک و هیرویینگه چلینگنلر اوچون یول قیدیرهدی. بوگون دوشنبه ساغلیقنی سقلش وزیری فیروزالدین فیروز کینگش اعضالرینینگ سوراقلریگه جواب بیریش اوچون چقیریلگن ایدی، ایتیشیچه، مذکور وزیرلیک تریاک و هیرویین مادهلری اورنیگه «میتادین» داروسینی جایلشتیرگن.
جناب فیروزنی کوپهیتیریشیچه، دنیا ایریم نطقهلریده تریاک و هیرویین اونیگه بو دارودن ایش آلیش رسم دیر و اوندن استفاده قیلیش بیلن بدنده قیسی سلبی نقصی هم یوق.
تریاک و هیروییندن ایش آلینیشی بیلن آسانلیکده اوندن قوتیلیش امکانی یوق؛ اما وزیرگه کوره، میتادون داروسینی استه – سیکین آزلشتیریب، ترک قیلیش امانی بار.
شونینگدیک جناب فیروزنینگ ایتیشیچه، مذکور دارو بهاسی هم ارزان و هم بدن فعالیتلرینی آزلشتیرمیدی. اونگه کوره، حاضر افغانستانده میتادون داروسی کیلتیریش اجازهسی بیریلمیدی و بولر تیزلیکده بو دارونینگ کیلتیریش اجازهسینی آلماقده.
بوگونگی کینگش اولتیریشیده ایچکی ایشلر وزیرلیگی نینگ مخدر مادهلرگه قرشی کورهشیش اورین باسری بازمحمد احمدی نینگ ایتیشیچه، آلدیندن کوره بو اداره هوایی کوچی و جهازلهنیش قیینچیلیگی کوپهیگن.
اونینگ ایتیشیچه، 1391- ییلده مذکور اداره کوچلری 5 مینگ کیشیدن آشردی؛ اما حاضرچه ایکی یریم مینگ کیشیگه آزهییب کیلگن.
احمدیگه کوره، شوحاضر بو اداره ایشلاوچیلریدن 80 فایزی قندوز و بغلان ولایتلریدهگی اوروشلرده یوباریلگن و بو ایش مخدر مادهگه قرشی کورهشیش اوچون کوپلب قیینچیلیک توغدیرگن.
گزارشلرگه کوره، افغانستان مخدرمادهلرگه قرشی کورهشیش قانونیده 80 فایز اوزگریش کیلگن و کینگش نمایندهلریگه کوره، بو اوزگریش مخدر مادهگه قرشی کورهشیش قیینچیلیکلرینی آزهیتیرهدی.
