قندهار ولایتیده ایکی شرکت، اوشبو شهرده قویاشدن برق قوتی ایشلب چیقیش اوچون سرمایه یاتقیزیشنی ایستیدی. «زولارستان» و «زازی» شرکتلری هر بیری مذکور شهر اهالیسی اوچون 10-10 میگاوات قویاشدن برق ایشلب چیقیش اوچون سرمایه یاتقیزیشنی نظرده توتگنلر.
قندهار ولایت والیسینینگ اورین باسری بیلن اوچرهشگن مذکور شرکتنینگ مسؤوللری، ولایت رسمیلری بیلن شرطنامه امضالهگندن سونگ عملده ایش باشلشدن سوز بیرگنلر.
مذکور ایش توغریسیده خرسندلیک اظهار قیلگن ولایت اورین باسری عبدالعلی شمسی، بو توغریده اوشبو شرکتلرگه همکارلیک قیلیشدن سوز بیریب، عین حالده قندهار اهالیسی برق قیینچیلیگی حل ایتیلیشی اوچون سعی وحرکت ایتیشنی بیلدیرگن.
اونینگ سوزلریگه قرهگنده، حاضرگی کونده ولایتنینگ شاهولی کوت ولسواللیگیده «دهلی توغانی» نی قوریش ایشی نینگ جریانی بار، اوشبو لایحه تکمیل ایتیلیشی بیلن قندهارنینگ برق ساحهسیدهگی ییریک معماسی حل ایتیلهدی.
اونینگ ایتیشیچه، قندهار اهالیسینینگ برق کوچیگه کته احتاجلری بولگنی اوچون، اوشبو شرکتلر برق ایشلب چیقاریش توغریسیده سرمایه یاتقیزدهدی.
بو شرکتلر مسؤوللرینینگ معلوماتیگه کوره، قندهارنینگ امنیتی تامین ایتیلگن لیگی بولرنی اوشبو شهرده سرمایه یاتقیزیش اوچون ترغیب قیلگن، اوشبو ایکی شرکت 20 میگاوات برق ایشلب چیقاریش اوچون ییریک سرمایه یاتقیزهدی.
قندهار ولایت کینگشینینگ اعضاسی سیداحمد سیلابنینگ بوگون سلاموطندارگه ایتیشیچه، قویاشدن برق ایشلب چیقاریش اوچون ضرورت بولهدیگن ییرنی دامان ولسواللیگیده تنلهگنلر و بو حقده شرطنامه امضالنگندن کیین سرمایه یاتقیزووچیلری ایشگه باشلیدی
سیلابنینگ ایتیشیچه، قندهار برقگه جدی احتیاجی بار و بو قیینچیلیک حل بولگن حالده، بیر تامان اهالینینگ کته قسمی ایش بیلن تامینلنهدی و باشقه تاماندن ایسه امنیت تامین ایتیلیشی اوچون هم ایجابی تاثیری بار.
شونینگدیک مذکور برق ایشلب چیقارهدیگن شرکت فعالیتگه باشلهشی همده اهالی ایش جایی بیلن تامین لهنیشی توغریسیده خوشلیک بیلدیرگن جناب سیلاب، اهالی قندهار ولایتی برق معماسینی سابق جمهور رییس همده حاضرگی جمهور رییس بیلن اورتهگه قویگنلر، اما هیچ نتیجه بیرمهگن.
قندهار ولایتی شور اندام منطقهسیده قوور «لوله» ایشلب چیقارووچی کارخانه ایگهسی حاجی عزیزاللهنینگ سوزلریگه کوره، بوندهی بیر برق ایشلب چیقاریش مرکزی تاسیس ایتلیشی اوچون نهایت خرسند.
اونگه کوره، برق سیزلیک سبب کوپینچه ماشینلری ایش بیرمیدی و ایشچیلری هم ایش سیز قالهدی. اونینگ تاکیدلهشیچه، قندهار برقی اهالی طلبیگه موافق کوچلی بولگن صورتده کوپینیچه سرمایه یاتقیزووچیلری قیتهدن اوز ایشخانهلرینی فعال قیلهدیلر.
قندهار شهری بیشینچی ناحیهسینینگ یشاووچیسی نوراحمد خوشحال، بو ایش عملگه آشیریلگن حالده، برق سیزلیک همده باشقه معمالردن اهالی قوتیلهدی دیگن.
قندهار شهرینینگ مذکور یشاووچیسیگه کوره، کجکی توغانیدن قندهارگه تارتیلگن لین کمیده هفته ده بیر بار توقنشوولرسبب ایکی اوچ ییریدن اوزیلیب اهالی قارانغوده قالهدی.
او، مذکور برق ایشلب چیقاریش مرکزی فعال ایتیلیشی بیلن بو بولیمده بولگن قیینچیلیک کمهیهدی دیگن.
قندهار شهری برشنا شرکتینینگ مسؤوللری، ولایتنی 150 میگاوات برق گه احتیاجی بار، لیکن حاضر ایسه 20 میگاوات برق هلمندنینگ کجکی بندی و 20 میگاوات برق ایسه باشقه جنراتورلر آرقهلی تامین ایتیلهدی دیگنلر.
