هلمند ولایتینینگ محلی بلند مرتبهلی رسمیلری، ولایتده خیالی عسکر موجودلیگیدن خبر بیره دیلر. اولر، بو مساله ولایت امنیتی بوزیلیشی اوچون هم تاثیری بار دیگنلر.
هلمند ولایت والیسی حیاتالله حیات، حاضر ملی پولیس نینگ 60% و ملی اردونینگ ایسه 30%نی فزیکی حضوری بار دیگن.
ایتیلیشیچه، گرمسیر، ناوه، خانشین، نادعلی، گرشک و مارجه تومنلریده 50% و نوزاد، موساقلعه، سنگین و واشیر تومنلریده ایسه 20% پولیس نینگ فزیکی حضور بار.
جناب حیاتالله، اوتگن آیده مارجه تومنیده 450 پولیس گه معاش بیریلگن، اما اولردن 176 ته سی وظیفه گه بارمسدن توریب آیلیک قولگه کیریتگنلر.
ولایتده خیالی پولیس موجودلیگینی تصدیقلهگن ولایت کینگشینینگ اعضالری، 50% حربی عسکرلر ملی کوچلر تشکیلاتی ده موجود، لیکن عملده اولردن داو – درک یوق دیگنلر.
کینگشینینگ اورین باسری ملا عبدالمجدی آخوندزاده، ملی پولیس و اردونینگ تشکیلاتیده 32 مینگ حربی موجود، لیکن عملده بولرنینگ اون مینگی هم حاضر ایمس دیدی. هلمند ولایت کینگشی نینگ اورین باسری حربی بلند مرتبهلی رسمیلری عسکرلرنینگ معاشینی حیف و میل ایته دیلر.
هلمند والیسی بو توغریده تیرگاو باشلنگن دیدی. تیرگاو نینگ تفصیلاتی تیزلیکده عاموی خبارات واسطه لریگه بیریلهدی دیگن ولایت والیسی.
اوتگن کون هلمند ولایتیگه سفر قیلگن مملکت رهبری محمد اشرف غنی ولایتدهگی باشقه معما لر یانیده خیالی سرباز لر قیین چیلیگیگه هم پایان بیریلهدی دیگن ایدی.
ایتیلیشیچه، 215- قول ارو قوماندانلیگی 18 مینگ حربی عسکر، هلمند پولیس قوماندانلیگی 10 حربی و چیگره پولیس تشکیلاتیده 5 مینگ حربی عسکر فعالیت قیلهدی. بولردن فقط 12 مینگی اوز وظیفه لریده حاضر ایکن لیگی ایتیلهدی.
