غور ولایتیده انسان حقلری ایرکین کمیسیونی نینگ ساحهوی دفتری مسؤوللری نینگ ایتیشیچه، اوتگن ییل گه نسبتن جاری ییل نینگ بیرینچی 5 آیی ده تینچ اهالی نینگ قربانلری آشگن.
اولرنینگ ایتیشیچه، جاری ییل باشلنگنیدن بویان تینچ اهالی قربانلریدن قولگه کیریتگن رقم اساسیده، اوتگن ییل گه نسبتن تینچ اهالی قربانلری 70% کوپهیگن.
غور ولایتیده انسان حقلری ایرکین کمیسیونی نینگ ولایتی دفتری سرپرستی فریده ناصری نینگ سلام وطندارگه ایتیشیچه، جاری ییل نینگ بیرینچی بیش آییده طالبان گروهی نینگ آتیشمهلری و یوللرده ییرلشتیریلگن ماینلر پارتلهشی عاقبتیده 48 تینچ اهالی هلاک ایتیلگن و باشقه 32 تینچ اهالی یرهلنگن و اوتگن ییل نینگ بیرینچی 5 آییده هلاک ایتیلگنلرنینگ رقمی 11 و یرهلنگنلرنینگ رقمی 23 ته ایکن.
شونینگدیک، غور حاکمی سوزلاوچیسی عبدالحی خطیبی، بو ولایتده تینچ اهالی قربانلری نینگ خواطرلی بیلیب ایتیشیچه، تینچ اهالی دن کوپینچهسی طالبان گروهی تامانیدن یوللرده ییرلشتیریلگن ماینلر پارتلهشی و مذکور گروه تامانیدن اولتیریش اویلر سپر آلینیشی نتیجهسیده هلاک ایتیلهدیلر. بو قربانلرگه عیاللر و بالهلر هم شامل بولهدیلر.
غور حاکمی سوزلاوچیسی نینگ ایتیشیچه، دین عالملری و قوم بویوکلری آرقهلی آتیشمهلرده تینچ اهالی قربانلری نینگ آلدینی آلیش اوچون سعی و حرکت قیلهدیلر.
.jpg)
غور ولایتیده انسان حقلری ایرکین کمیسیونی نینگ دفتری و محلی اداره مسؤوللری، تینچ اهالی قربانلری نینگ اصلی عاملی طالبان گروهی دییدیلر.
بیراق، طالبان گروهی غور محلی مسؤوللری نینگ ادعالرینی رد قیلیشهدی.
ایتیش کیرهک کیم، ینگیلیکده غور ولایتی نینگ مرکزی فیروزکوه شهری نی جنوبغربی ده یول ده ییرلشتیریلگن بیر ماین پارتلهشی عاقبتیده، بیر کیشی ایکی بالهسی بیلن هلاک و حاملهدار تورموش اورتاغی یرهلنگن.
مذکور عایله سودا-ساتیق و قرینداشلری نینگ کوریش اوچون فیروزکوه شهری آهنگران قیشلاغی گه بارگن ایکن و قیتیب کیلهیاتگن چاغیده، اویلری نینگ یقینیده یولده ییرلشتیریلگن ماین گه دوچ کیلگن.
اوشبو عایله نینگ آنهسی شمایل حاضر غور مرکزی کسلخانهسیده دارولنماقده. شمایل نینگ آنهسی بیبینورنینگ ایتیشیچه، بو واقعه قیزی نینگ حیاتی نی نابود قیلگن.
شو توغریده…
غور: طالبان نینگ قرارگاهلری نابود ایتیلمهگنده انسانی فاجعه یوز بیریشی ممکن
