جمهور رییس غنینینگ حقوقی مصلحتچیسی عبدالعلی محمدی نینگ ایتیشیچه، کابلبانک حساباتیدن یوقالگن پول بارهسیده قرضدارلردن هیچ بیریگه رحم قیلینمیدی و محکمه حکمی برچه گه تطبیق بولهدی.
اوتگن کون کابلده جناب محمدی کابلبانک قضیهسینی تکشیرهدیگن کمیسیون باشلیغی بیلن مرکزی بانک بیرینچی اورین باسری و مالی منازعهلر حل قیلهدیگن کمیسیون باشلیغی قوشیمچه اوتکزگن بیرگهلیک اولتیریشده چیقیش قیلیب، حاضرگه قدر کابلبانک قرضدارلری تامانیدن 566.7 میلیون دالر قولگه کیلگنلیگینی بیلدیردی.
ایتیلیشیچه، بو مقدار پولدن 189.90 میلیون دالر نقده شکلیده حصول بولگن؛ 50 میلیون دالرلیک جایداد دولتگه قرضدارلر تامانیدن ساتیلگن و 159.1 میلیون دالرنی هم کابلبانک قرضدالریدن ییر قوبالهسی بیریلگن.
کابلبانک قرضدارلری تامانیدن محکمه حکمیگه یرهشه پول تولهنیلمه گن صورتده، تضمینی شکلیده قیدگه آلینگن قوبالهلر ساتیشگه قویلیشی کوزه تیلهدی.
مرکزی بانک اورین باسری خانافضل هدهوال نینگ اوشبو اولتیریشده بیلدیریشیچه، حاضرگه قدر کابلبانک قرضلریدن 50 فایزینی آلیشگه امکان تاپالمهگنلر. اونینگ ایتیشیچه، کابلبانک قرضدارلری نیچه قسطگه اوز قرضلرینی تولشلری ممکن.
کابلبانک تصفیه ادارهسی باشلیغی عبدالواحد خراسانی نینگ ایتیشیچه، حاضرگه قدر 151 کیشی کابلبانک قرضدارلریدن 32 کیشی اوز قرضلرینی تولهگن.
طالبلر ریژیمی اورتهدن کیتیشی بیلن کابلبانک اولکه بویلب قوریلگن بیرینچی بانک ایدی. اما 1391- ییلی افلاسکارلیک بیلن روپهره بولدی و 800 میلیون دالرگه قدر مذکور بانک پولی قرضدارلری تامانیدن اوغیرلندی.
