کابل یشاوچیلرینینگ ایتیشیچه، ترورچیلیک واقعهلر احتمال یوز بیریش خصوصیده، مش-مش ترقلگنی باعث، شهرده تینچلیک بیلن یوره آلمهیدیلر. باشکینت یشاوچیلریگه کوره، ترورچیلیک واقعهلر احتمال یوز بیریشیدن قورقیش یشاوچیلرنینگ روحیگه زیان ییتکیزگن؛ شو موضوع سبب، قطار کیشیلر مملکتنی ترک قیلماقدهلر.
کابل شهری جمهوریت کسلخانهسی اونگیده یوز بیرگن قانلی هجومدن سونگ، باشکینتنینگ ایریم منطقهلری و اجتماعی ترماقلرده ترورچیلیک واقعهلر احتمال یوز بیریش توغریسیده مش مشلر ترقهتیلدی.
اجتماعی ترماق ایشلاوچیلری، بیر- بیراویگه مسیج یوللب اوزینگگه احتیاط بول سین ایشلهیدیگن ییر امنیتی تهدید آستیده دییدیلر.
کابل یشاوچیلریدن بیرقطارینینگ ایتیشیچه، اجتماعی ترماقلرده شوندهی مسیجلر قولمه قول بولیشی اولرنی خواطرگه سالگن و شو یوزدن شهرده یورمهیدیلر.
کابل شهرینینگ یشاوچیلریگه کوره، ترورچیلیک واقعهلر احتمال یوز بیریش خواطری یشاوچیلرنینگ ایشلریگه هم سلبی تشلهگن.
اوشبو یشاوچیلر امنیتی ادارهلردن مسیجلر توغری و ناتوغری بولگنینی اهالیگه آچیقلشلرینی سورهیدی.
کابل یشاوچیلریدن باشقه بیرقطارینینگ ایتیشیچه، شهرده ترورچیلیک واقعهلر احتمال یوز بیریش خواطری باعث، قطار کیشیلر مملکتنی ترک قیلیشگه قصد قیلگنلر.
کابل یشاوچیسی عتیقالله نینگ ایتیشیچه، سونگی واقعهدن سونگ پاسپورتیگه قیته تیکلهگن و افغانستاننی ترک قیلیشگه قرار قیلگن.
بیراق، سلاموطندارگه صحبت بیرگن ایچکی ایشلر وزیرلیگی سوزلاوچیسی اورین باسری نصرت رحیمی، اجتماعی ترماقلرده ترقهتیلگن قورقینچ مسیجلرنی اساسی یوق دیب ایتیشیچه، بو ایش ترورچی گروهلر تامانیدن اهالی روحیهسینی کوچسیز قیلیش دیر.
جناب رحیمی، مملکت یشاوچیلریدن سلبی تبلیغلرگه الدهنمهی و مش مشلرنی بیر-بیراویگه ییتکزیشدن وازکیچیشلرینی سورهگن.
عین حالده، مهاجرلر و باش پناه ایزلاوچیلر وزیرلیگی مسؤوللری، افغانستان یشاوچیلری تشقی مملکتلرگه کیتیش سببینی ناتینچلیک دیب و شونینگدیک، انسان قاچاقیگه قرشی کورهش عالی کمیسیونی، غربی مملکتلرگه قاچقینلیک میزانی آشگنینی بیلدیرگن.
