کابل امنیتی مسؤوللریگه کوره، اوتگن بیر آیده 569کیشی 259 جرمی قضیهگه قولی بارلیگی سبب حبسگه آلینگن.
بوگون (شنبه) خبری ییغینده سوزلهگن کابل امنیه قوماندانی عبدالرحمن رحیمی، مذکور کیشیلر قتل، آدم اوغیرلیک، اوغیرلیک، مخدر مادهلر قاچاقی و ترورچیلیک عمللرنی بجرگنلیکلری باعث قولگه آلینگنلر دیگن. ایتیلیشیچه، بولرنی دوسیهسی عدلی وقضایی ادارهلرگه یوباریلگن.
کابل امنیه قوماندانی سوزلریگه کوره، اوشبو شخصلر قولگه آلینهدیگن پیتده یانلریدن ایریم قورال اسلحه جملهدن راکت، کلشینکوف، تفنگچه و باشقه اونلب کیلو گرام مخدر ماده و ایچکیلیک قولگه کیریتیلگن.
جناب رحیمی، بولرنینگ 40 نفری آدم اوغیرلاووچیلر همده حرفهیی قاتللر، 123 اوغری فردی شکلده کابلده اهالینینگ مالینی اوغیرلش، 16 کیشی نقیله واسطهلرنی اوغیرلش 9 کیشی ناقانونی طرزده قورال اسلحه قاچاق قیلهدیگنلردن عبارت ایکنلیگنی اظهار قیلگن
شونینگدیک رحیمی، 9 کیشی شهید هفتهسی کابلده قطار کیشیلرنی اولدیریب همده شهرده ترتیب سیزلیکلر ایجاد قیلیشده قولی بارلیگی سبب حبسگه آلینگن دیگن.
اونگه کوره، شیهد هفتهسیده کابلده ترتیبسیزلیکلرنی توغدیرگن کیشیلرنینگ قالگنلری هم قولگه آلینیشی ممکن دیگن.
ایتیش لازم، کابل پولیسی ملی اردو همده خوفسیزلیک ادارهسی هماهنگلیگی بیلن قوراللی دَیدی آدملر باردی کیلدیسی آلدی آلینیشی اوچون مخصوص برنامه قولگه آلگن.
