جوزجان ولایت کینگشی اعضالری، امنیتی کوچلر عایلهلریدن بیرقطاری و مدنی فعاللرنینگ ایتیشیچه، قوراللی طالبلر نظارتیده بولگن 7 قیشلاقده 120 عایلهنی 14 مینگ افغانی نقد جریمه توللش"گه مجبور قیلیب و تعیین ایتیلگن پول بیریلمهگن صورتده، منطقهدن کوچیشگه آگاهلنتیریلگن.
جوزجان ولایتینینگ آقچه تومنیده خوفسیزلیک کوچلری عایله اعضالریدن بیری خیرمحمدنینگ سلاموطندارگه ایتیشیچه، عایلهلردن نقد پول توپلش دوام ایتماقده.
جوزجان ولایت کینگشی باشلیغی بابر ایشچی بو موضوع نی تصدیقلب ایتیشیچه، آقچه تومنیده طالبلر کینگ شکلده فعالیت قیلهدی و بو گروه کونسایین عسکر آلهدی.
عین حالده، جوزجان ولایتینینگ مدنی فعاللری، حکومتدن تنقید قیلیب، مذکور تومنده عملیات یولگه قوییلیب، طالبان گروهینی نابود قیلیش اوچون حکومتنینگ ارادهسی یوق دییدیلر.
جوزجان پولیس قومندانلیگینینگ خوفسیزلیک آمری عبدالحفیظ خاشی، طالبان گروهی تامانیدن خوفسیزلیک کوچلرینینگ عایله اعضالری برابریده هرقندهی جنایت یوز بیریشینی تصدیقلب ایتیشیچه، مذکور گروه خرجتلرینی اوشبو عایلهلردن پول آلیش بیلن تأمینلیدی.
آقچه تومنی جوزجان ولایتینینگ ناتینچ تومنلریدن بیری بولیب و طالبان گروهی مذکور تومنده کینگ شکلده فعالیت قیلهدی.
