اداری فسادگه قرشی کورهشیش نظارت و تیکشیریش قوشمه کمیتهسی آلتی آیلیک گزارشینی نشر قیلیب، اداره فسادگه قرشی کورهشیش اوچون افغانستان دولت عملکری بارهسیده ایتیشیچه، کابل بانک قضیهسیگه عیبلنگن افغانستان مرکزی بانکینینگ ایشلاووچیلری محکومیت دورینی اوتکزمسدن آلدین اوشبو بانککه اوز وظیفهلریگه قیتگنلر.
شونینگدیک مذکور گزارشده کیلیشیچه، ینگی کابل بانک سابق اجراییه رییسی محبالله صافی 1393-ییل حوت آیی 12-سیده اوزینی دولت باشقرهلاووچیلیگیگه تانیشترگندن کیین عالی محکمه تامانیدن آلتی آی آزادلیکدن محروم ایتیلگن ایدی. گزارشنینگ یازیلیشیچه، کیین جناب صافینینگ محکومیت مدریتی تورت آیگه قیسقرتیریلهدی؛ اما او 1394- ییل 8- ثورده (مجاهدلر پیروزلیگی کونی) جمهور رییس حکمی اساسیده آزاد قیلینهدی.
گزارشده یازیلیشیچه، کابل بانکنینگ توپلم 988 میلیون دالریدن یالغوز 278 میلیونی جاری ییل سرطان آییگه قدر تولنگن و باشقه پوللرنی آلیش باشقرهلاووچیلیک ادارهسیگه باغلیق.
اوشبو کمیته اوزینینگ گزارشیده 12 نفر کابل بانکنینگ اصلی قرضدارلری دیب اولر «یلغانچی» دیب معلوم قیلگن. عین حالده، گزارشده قید ایتیلیشیچه، باشقه قرضدارلر کابل بانک معمولی ایشلاووچیلری بولگن.
کمیتهنینگ یازیشیچه، کابل بانک حادثهسیده قولی بولگنلرنی محکمهگه تارتیش اوچون بولگن پیشرفتلرگه قرهمی، لیکن، اولرنینگ کوپچیلیگی هنوز هم ایرکین شکلده یورگنلر.
شوکبی گزارشنینگ معلوم قیلیشیچه، ینگی کابل بانک خصوصیلشتیریش اوچون اونچهلیک آلغه سیلجیش یوز بیرمهگن
اوشبو گزارش، کابل بانک سابق تصفیه مدیری اوتگن ییل جدی آییده اوز لوازمیدن استعفا بیرگن، اما جاری ییل ثور آییگچه هم اونینگ اورنی باشقه کیشی تعین ایتیلمهگن مذکور مدیریتنینگ سرپرستی هم کابل بانک قرضدارلری بیریدن یوز مینگ دالر پاره آلیشگه عیبلهنیب سرطان آییده قولگه آلینگن. کابل بانک فساد دوسیهسی مملکتدهگی ییریک دوسیهلردن دیر.
اداری فسادگه قرشی کورهشده ایریم وزیرلیکلر بی فرق یاندشهدی
اداری فسادگه قرشی کورهشیش نظارت و تیکشیرو قوشمه مستقل کمیتهسینینگ رسمیلریگه کوره، ایریم وزیرلیکلر اداری فسادگه قرشی کورهشیشده بی فرق یاندشهدیلر.
مذکور کمیتهنینگ باشلیغی یما ترابینینگ بوگون کابلده مذکور کمیتهنینگ آلتی آیلیک گزارشینی عاموی اخبارات واسطهلریگه ترقهتیش اظهار قیلیشیچه، تشقی ایشلر وزیرلیگی همده عدلی و قضایی ادارهلرده اداری فسادگه قرشی کورهشیش اوچون هیچ قندهی فعالیت یوق و قاچقینلر، ساغلیقنی سقلش، عدلیه، شهر قوزیش و پارلمانی ایشلر بوییچه وزیرلیکلرده پرگنده شکلده اداره فسادگه قرشی مبارزه بولهدی.
شونینگدیک جناب ترابیگه کوره، دولتی ایریم ادارهلر قوشیمچه مستقل ریاستلر اداری فسادگه قرشی مبارزه قیلیش اوچون اوشبو ادارهگه همکارلیک قیلمیدیلر.
ترابینینگ سوزلریگه کوره، مذکور کمیته بوندن اوچ آی آلدین اوز تکلیفلرینی تشقی ایشلر وزیرلیگیگه فساد بارلیگی اوچون معلوم قیلگن، لیکن بو وزیرلیک هنوزگچه هم اوشبو سفارش اوچون عملده بیرار ایش قیلمهگن. اونگه کوره، تشقی ایشلر وزیرلیگیگه ایریم شخصلر قومی، سیاسی و سمتی مسالهلر سبب قطار لوازملریگه ایشگه آلینگنلر.
عین حالده، اداری فسادگه قرشی کورهشیش نظارت و تیکشیرو قوشمه کمیتهسی قطار وزیرلیکلرلیکلرنینگ بو ساحهده قیلگن ایشلر اوچون راضیلیک بیلدیرگن.
ترابی، مذکور کمیته ایش و اجتماعی شهدلر و ناگرانلر وزیرلیگیگه اداری سیستمینی اصلاح ایتیب و اداری فسادگه قولی بولگنلرنی عدلی و قضایی ادارهلرگه تانیشتیریش اوچون سفارش یوبارگن وزیرلیک اداری سیستمینی اصلاح قیلیب و تقلبی کارتلری بولگن 750 نفرنی باشقرهلاووچیلیکه تانیشتیرگن.
اونگه کوره، مذکور وزیرلیک ناگرانلر و شهدلر عایلهسیگه آیلیک بیرهدی. اوشبو کیشیلردن 750 نفرینینگ ایکی اوچته تقلبی کارتی بولگن. ترابی، مذکور شخصلردن 25تهسی وزیرلیکنینگ ملازملریدن بولگن.
بو کمیته اجراییه رییسی راشد بهروز نینگ خبری ییغینده بیلدیریشیچه،8 وزیرلیک قوشیمچه 4 مستقل اداره هنوز گچه یوزکونلیک برنامهلری حقیده بو کمیتهگه گزارش بیرگنلر. بو ییرده خاتین قیزلر وزیرلیگی نینگ 2صحیفهلیک ایش گزارشی و مخدر مادهلرگه قرشی کورهشیش وزیرلیگینینگ 24 صحیفهلیک گزارشلرینی ایتیش اورینلی دیر.
کمیتهنینگ مسؤوللریگه کوره، هنوزگچه افغانستان30 دولتی ادارهسیگه 380 ته اداری فسادگه قرشی کورهشیش اوچون سفاریش بیریلگن، اوشبو سفاریشلردن حاضرگه قدر 128 (34%) سفارش بوتونلی 176 (46%) گزارش (قسما) عملی بولگن، اما دولت ادارهلری 76 (20%) سفارشنی عملی قیلمه گنلر.
اداری فسادگه قرشی کورهشیش نظارت و تیکشیرو مستقل کمیتهسی اعضاسی دراگوکاس ییغینده ایتیشیچه، افغانستانلیکلرنینگ کوپچیلیگی اداری فسادگه قرشی کورهشیشگه نسبتن ایشانچ لرینی قولدن بیرگنلر.
عین حالده افغانستان دولت بلند مرتبهلی رسمیلری سام ییغینیده دنیا جماعه چیلیگیگه اداری فسادگه جدی قرشی کورهشیش اوچون سوز بیرگنلر.
