مدنیت و معلومات وزیرلیگی رسمیلرینینگ ایتیشیچه، اجتماعی ترماغلرنی میدیا قانونیگه شامل قیلیش اوچون سعی و حرکت قیلهدی.
مذکور وزیرلیک یایینلش اورین باسری، سیده مژگان مصطفوینینگ، یکشنبه کون، اجتماعی ترماغلر کونیدن نشانلش مراسمیده ایتیشیچه، مدنیت و معلومات وزیرلیگی، اجتماعی ترماغلر اوچون میدیا قانونیده ینگی بیر بولیم ایجاد ایتهدی.
خانم مصطفوینینگ ایتیشیچه، بو ایش ایرکین بیاناتنی قیسقرتیریش معنیسیده ایمس و هدف اجتماعی ترماغلردن قانونگه اساس ایش آلیش دیر. اونینگ ایتیشیچه، اجتماعی ترماغلر ایریم موضوعلر اوستیگه ایجابی تاثیر تشلهیدی.
مدنیت و معلومات وزیرلیگی یایینلش اورین باسرینینگ کوپهیتیریشیچه، مملکتده اجتماعی ترماغلر کوز توترلی شکلده یوکسلگن و معلومات ییتکزیش توغریسیده قولی یولگه اوزگرگن.
افغانستان ایرکین میدیادن حمایت ایتووچی دفتری (نی) میلادی 2011- ییل اسد آیی بیرینچی هفته نی، اجتماعی ترماغلر هفتهسی دیب نشانلهگن.
مدنیت و معلومات وزیرلیگیده یکشنبه کونگی برنامهنی یولگه قویگن، نی دفتری اجراییه باشلیغی مجیب خلوتگر، حکومتدن اسد آیی بیرینچی هفتهنی اجتماعی ترماغلر هفتهسی آتی آستیده رسمی ییل نامهگه جایلشتیریشینی سورهدی.
جناب خلوتگرنینگ ایتیشیچه، اجتماعی ترماغلر ایشلاوچیلری کونسهیین کوپیماقده و بو میدیا، معلومات ییتکزیشگه اساسی رول اوینهیدی.
شوندهی بیرحالده، افغانستانده انترنتی خذمتلرنی ارایه ایتیش کیفیتیدن هردایم تنقید بولیب کیلگن.
نی دفتری رسمیلرینینگ ایتیشیچه، افغانستانده انترنتی خذمتلرنی ارایه ایتیش کیفیتی اروپا مملکت لریگه قرهگنده 50 برابر قویی و قیمتی یوزده یوز بلند دیر.
بیراق، مخابراتی خذمتلرنی توزهتیش اداره (اُترا) باشلیغی خیرالله فیضینینگ بو اولتیریشده ایتیشیچه، انترنتی خذمتلر کیفیتی و ارزان بولیشی توغریسیده سعی و حرکت قیلماقده. اونینگ ایتیشیچه، حاضر افغانستانده 6 مخابراتی شرکت انترنتی خذمتلر ارایه قیلهدی.
جناب فیضینینگ کوپهیتیریشیچه، اوتمیشلرده بیر میگابایت انترنت، تشقی مملکتلردن 4 مینگ دالر ساتیب آلینر ایدی و حاضر فایبر نوری انترنتی خذمتلری تامانیدن بیر میگابایت انترنت 64 دالرگه ییتیشهدی و اولر افغانستانده بیر میگابایت انترنت قیمتینی 30 دالرگه کمهیتیریش اوچون سعی و حرکت قیلهدیلر.
دیمک مدنیت و معلومات وزیرلیگینینگ، بو ایشی ایرکین بیانات قیسقریشی توغریسیده، ایریم خواطرلرگه سبب بولگن، بیراق موافقلرهم موجود.
اجتماعی ترماق ایشلاوچیسی و ایکی خبرچی، باعث حیات و حسین سیرتنینگ ایتیشیچه، بو ترماغلر انسانلرنینگ خصوصی حریمنی سیندیریب و ایریم پیتلرده حرمت سیزلیکلرگه سبب بولهدی.
اولرنینگ ایتیشیچه، بیرقطار کیشیلر قوللابی آت توزهتیب، باشقهلرگه اهانت قیلیب و ایریم کیشیلرنینگ خصوصی حریمنی اورتهدن آلیب کیتهدی.
بیراق، اجتماعی ترماغلر ایریم پیتلرده، معلومات ییتکزیش توغریسیده یخشی رول اوینهگن.
فرخندهنینگ اولیمی توغریسیده بولگن ویدیو اجتماعی ترماغلرده کیرگنیدن کیین، پولیس بو قضیهگه عیبلنگن کیشیلردن بیر قطارینینگ توتقونگه آلیب محکمهگه تاپشیردی.
بیراق، بو ایشلر یانیده، اجتماعی ترماغلر ایریم پیتلرده ایجابی و اونملی ایشلر عملگه آشیریلیشیگه سبب بولگن.
عین حالده، نی دفتری، بو ییل اجتماعی ترماغلر هفتهسینی «اجتماعی ترماغلردهگی قرشی فکرلرنی دشمنلیک معنیسیده ایمس دیب» آت قویدی.
نی تشکیلاتی معلوماتیگه کوره، افغانستانده حاضر کمیده بیر میلیون کیشی فسبوکدن، کمیده ایکی مینگ کیشی تویتردن و کمیده بیر مینگ کیشی وبلاگلر و باشقه اجتماعی ترماغلردن ایش آلهدیلر.
