پکتیکا ولایتی نینگ محلی بلند مرتبهلی مسووللری، اوزاق ییللردن بیر ولایت نینگ برمَل تومنیده تورلی قورال – ییراق و حربی انجاملر اوز باشیمچه ساتیلهدی دیگنلر.
پکتیکا ولایتی ولایت کینگشی نینگ باشلیغی بختیارگل همت، برمَل تومنی قوراللی طالبلرنی جهازلش اوچون معین بیر مکانگه ایلنگنینی اظهار ایتگن. او، جنگری طالبلر کیرهک بولهدیگن هر قندهی حربی انجامنی مذکور تومنده قولگه کیریتهدی دیگن.
جناب همتنینگ سوزلریگه کوره: «راکت، پیکا، گلوله، کلاشینکوف و باشقه تورلی قورالل-ییراق آزاد روشده ساتیلهدی.»
تومننینگ یشاووچیلری، برمَل مرکزی و قیشلالریده ایریم آغیر اینگیل قورال ساتیلیشیدن تشقری خودکش واستکتلر هم ساتیلهدی دیگنلر. اهالینینگ سوزلریگه قرهگنده، برمَلده ساتیلهدیگن اوروش جهازلری باشقه ولایتلرگه آلیب کیتیلهدی دیگنلر.
بو قبیل ادعالر ولایت ملازملری تامانیدن رد ایتیلگن. ولایت والیسی محمدالیاس وحدتنینگ سلاموطندارگه بیلدیریشیچه، برمَل تومنی قورال – ییراق ینه حربی انجاملر ایرکین روشده ساتیله دیگن وضعتده ایمس لیگینی بیلدیرگن. انده –سنده بیرارته قورال ساتیلگن بولیشی ممکن؛ لیکن، برمَل تومنی قورال – اسلحه ینه حربی انجاملر مرکزیگه ایلنگن لیگی بیر میش – میش دن بولک نرسه ایمس دیدی ولایت والیسی وحدت.
برمَل پکتیکانینگ اون کیلو مترلیگیده جایلشگن نابرقرار تومنلردن حسابلنهدی. برمَلده جنگریلرنینگ فعالیت کوپراق کوزه تیلهدی. شو کبی بوندن نیچه وقت آلدین پاکستانلیک حربیلر بو تومنده حربی تاسیسات قوریشگه اولگورگن ایدی.
