غزنی ولایت کینگشی نینگ اورین باسری و اوغیرلنگنلرنی آزاد قیلیش اوچون ایجاد ایتیلگن هیات سرپرستی عبدالجامع جامع، اوغیرلنگن 31 کیشینی آزاد قیلیش پاکستان «ای اس آی» ادارهسیگه تیگیشلی دیگن.
او، پاکستان جاسوسلیک ادارهسی افغانستانده اوز نیتیگه ایریشیشی ینه تینچلیک مذاکرهلر جریانیدن کوپراق امتیازگه ایگه بولیش اوچون یولاووچیلر آزاد ایتیلیشی آرتده قالدیریلگن لیگیگه ایشانهدیر.
جامع، مقابل تامان بیلن مذاکرهنی دوامی بار دیگن، غزنی و زابل ولایتلرینینگ قوم یاش اولوغلریدن تشکیل ایتیلگن هیت هنوزگچه نیچه مرته پاکستان نینگ پیشاور شهری و کویته کینگشیدن باریب کیلگنلر.
اما، جناب جامع یولاووچیلر آزاد ایتیلیشی اوچون طالبلر تامانینینگ انیق ایستهگی نیمه لیگینی تیلگه آلمهگن.
شونینگدیک اوغیرلنگن 31 یولاووچی پاکستان ایشی ایکن لیگینی ایتگن غزنی ولایت کینگشینینگ رییسی خالقداد اکبریگه کوره، پاکستان استخبارات ادارهسی افغانستان خلقی اورتهسیده قرهمه قرشیلیکلرنی توغدیریشگه سعی وحرکت قیلهدی.
غزنی تینچلیک عالی کینگشینینگ بلند مرتبهلی اعضالریدن مدیرشیرجان نینگ سلام وطندارگه ایتیشیچه، مذکور یولاووچیلر آزاد قیلینیشی اوچون پاکستان استخبارات ادارهسی نینگ رولی بار. مملکت سابق ملی خوفسیزلیک ادارهسینینگ باشلیغی جناب امرالله صالح، هزاره یولاووچیلرنینگ اوغیرلهگنلر کیملیگی حقیده ایتیشیچه، 31 یولاووچی داعش ایمس، طالبان اعضالری طرفیدن اوغیرلنگن. اونینگ ایتیشیچه، طالبلر مذکور محبوسلر اورنیگه چین سینکیانگ وطنداشی بولگن نیچه کیشی المشتیریلیشیگه اولگورهدی.
«شرقی ترکستان اسلامی حرکتی»نینگ چینلیک نیچه اعضاسی افغانستان دولتی آرقهلی توتقونگه آلینگن. ایتیلیشیچه، چین دولتی مذکور شخصلر ترورچیلر بولگنلیگینی تصدیقلهگن.
اما، غزنی ولایت معاونی محمدعلی احمدیگه کوره، گروگان آلینگنلر قوییب یوباریلیشی اوچون قوم یاش اولوغلری قوشیمچه مرکزی دولت هیچ قندهی حرکت قیلمهگن.
غزنی ولایت اورین باسری مساله اوچون پاکستان قولی بارلیگی توغریسیده هیچ نرسه تیلگه آلمهگن. اونگه کوره، عاموی اخبارات واسطهلریده نشر ایتیله دیگن هر قندهی خبر هم توغری ایمس.
قندهار- کابل عمومی یولیدن پایتخت کابلگه کیته دیگن 31 هزاره یولاووچینینگ طالبلر تامانیدن اوغیرلهنیب کیتیلگن لیگیگه بیر آیدن آشدی؛ ایتیلیشیچه، مذکور شخصلر آزاد ایتیلیشیچه اوچون هنوزگچه هم اوتکزیلگن حربی عملیات شامل قوم یاش اولوغلرینینگ آلیب بارگن سعی وحرکتلری نتیجه بیرمهگن.
