هرات محلی رسمیلریگه کوره، ولایت انجیل تومنیده بیر ایرکک اوز عیالینی پیچاق بیلن سوییب تشلهگن.
هرات پولیس سوزلاوچیسی عبدالرؤوف احمدی سلاموطندارگه مذکور سوییلگن یاش عیال جسدی بوگون ایرتهلب انجیل تومنینینگ شیدایی منطقه سیدن تاپیلگنلیگینی بیلدیردی.
اونینگ ایتیشیچه، بیرینچی قیدیرووده کورینیشیچه، اوز ییری واسطهسی بیلن سوییلگن.
قاتلنی توتیش حرکتی باشلنگن.
ایتیلیشیچه، بو عیال 25 یاشده ایکن و اصلی جایی غور بولیب هرات انجیل تومنینینگ شیدایی منطقهسیده حیات کیچیریب کیلماقده ایکن.
شونینگدیک هرات حوزهیی کسلخانه سینینگ سوزلاوچیسی محمدرفیق شیرزینینگ سلاموطندارگه ایتیشیچه، اوتگن هفته هراتده مذکور عیال قوشیمچه 7 عیال ایریم دلیللر باعث اولدیریلگن.
اونینگ کوپهیتیریشیچه، شوییل باشله نیشیدن حاضرگه قدر بو ولایت شهری و تومنلریده 10 عیال ییرلری و عایله اعضالری تامانیدن اولدیریلیب، هرات حوزهیی کسلخانه سیگه کیلتیریلگن.
هرات کسل خانه سینینگ سوزلاوچی سیگه کوره، عایله اعضاسی تامانیدن اولدیریلگن عیاللر اوچون ایریم دلیللر جملهدن عایلهوی قیینچیلیکلر، ناموسی مسالهلر، اقتصادی قیینچیلیکلر و روحی کسللیکلر عیاللرنی حیاتدن اوتیشلریگه سبب بولهدی.
ینه بیرتاماندن جناب شیرزینینگ کوپهیتیریشیچه، شوییل باشله نیشیدن حاضرگه قدر 7 یاش ییگیت ایرکک هم اقتصادی و روحی قیینچیلیکلرباعث هراتده اوزلرینی آسیب ویا زهرلنیشلری بیلن هلاک بولگنلر.
