قندوز محلی رسمیلرینینگ ایتیشیچه، امامصاحب تومنینینگ ولسواللیک و پولیس قومندانلیگی بنالری اوستیگه طالبلر تامانیدن هجوم اویوشتیریلگن.
قندوز ولایتینینگ امامصاحب تومنی ولسوالی امانالدین قریشینینگ سلاموطندارگه ایتیشیچه، حاضر مذکور تومننینگ ولسواللیک و پولیس قومندانلیگی بنالری اطرافیده امنیتی کوچلر و طالبلرنینگ آرهسیده اوروش دوام ایتماقده.
جناب قریشیگه کوره، نیچه دقیقه آلدین، امامصاحب تومنینینگ روضه زیارتی طالبلرنینگ قولیگه سقوط قیلگن.
امامصاحب ولسوالینینگ آگاهلنتیریشیچه، ینگی یاردمچی کوچ یوباریلمهگن صورتده، مذکور تومن بوتونلهی طالبلرنینگ قولیگه سقوط قیلیشی ممکن.
اوتگن کون ایرتهلب بامداد چاغی، قوراللی طالبلر گروهی شکلده مذکور تومننینگ ایریم قسمتلریگه هجوم قیلگن ایکن.
