.jpg)
«بیلیم یورتده بیر-بیراویمیز بیلن تانیشدیک، تانیشیش سیوگیگه تارتیلدی و 1 ییل و 8 آی و 12 کون آلدین تورموش قوردیک. بو سیوگینینگ حاصلی 10 آیلیک اوغیل باله دیر، بیراق شوم بیر هفتهنینگ بیرینچی کونیده برچه رویالریم هواگه اوچدی و تیریکچیلیک مینینگ اوچون قیغو و اَلمگه اوزگردی.»
بو شاهولینینگ تورموش اورتاغی سیاهمونینگ سوزلری دیر؛ یاش عیال جاری هفته «شنبه» کونی ایچکی ایشلر وزیرلیگی اونگیده یوز بیرگن خودکش هجومده تورموش اورتاغینی قولدن بیرگن.
کوزینینگ اطرافیدهگی قاره حلقه دواملی و تکرار ییغلهگنیدن گواهلیک بیرهدی، یوزی قارهگه یقین قیزیل بولگن و تماغی اوزاق توتیلگنیدن حکایه قیلهدی. اونینگ بیلن سوزلهیاتگن چاغیمده قولیدهگی قاغذ بیلن یاشلرینی تازهلب، تماغینی صافلب و صحبتگه دوام بیرردی.
.jpg)
اونینگ ایتیشیچه، کیلهجکلری اوچون کوپینچه رویا و آرمانلری بار ایکن و برچهسی هوا گه کیتگن. سوزلری جریانیده تکرار قیلهدیگن بیرینچی سوز حکومتدن هیچ بیر ایستهگی یوقلیگی ایدی.
سیاهمونینگ ایتیشیچه، تورموش اورتاغینینگ یانیدن اجرهتگن اوشه شوم کونگچه تیریکچیلیکنی نعمت بیلیب و هر لحظهسی ایلگریدن کوره لذتلی بولردی. بیراق، اوشه کوندن باشلب ییلکهلری قیینچیلیکلر و تورموش اورتاغی یوقلیگیدن آغیرلیک قیلهدی.
شاهولینینگ آرزو و ایستهگی بالهسی سیوگی و محبت فضاسیده کته بولیشی ایدی و سیاهمو گه کوره، او دایم بالهسینینگ کیلهجگی یخشی بولیشی اوچون هیچ قندهی سعی و حرکتدن وازکیچمهسینی ایتیب کیلگن ایکن. سیاهمونینگ ایتیشیچه، حاضر هیچ بیلمهیدی «بو قیینچیلیکلر بیلن نیمه ایش قیلهدی.»
.jpg)
شاهولی کوپلب زحمت چیکیب و کوپینچه قیینچیلیکلرنی باشیدن اوتکزیب سیاسی بیلیم و حقوق بولیمیدن فراغت حجت قولگه کیریتگن و سونگی پیتلرده مدافعه وکیل صفتیده ایش قیلهدی ایکن.
شاهولینینگ اورتاغی دولت علینینگ ایتیشیچه، اورتاغینینگ اولگنیدن خبر بولگنیدن بویان تیریکچیلیککه امید قیلمهیدی.
جاری هفته «شنبه» کون یوز بیرگن قانلی هجومده یالغیز سیاهمو قیغو و اَلم گه باتمهگن، بلکیم باشقه یوزلرچه عایله قیغو و اَلم گه چومیلگنلر و بو یوزلرچه افغانستانلیک عایلهنینگ کوندهلیک حکایهسی دیر.
