جمهورلیک ریاستینی ایکینچی اورین باسری سرور دانشنینگ 215 میوند قول اردو قومندانلیگیده اویشتیریلگن هجومنی قارهلب ایتیشیچه، افغانستان دشمنلری ملی اردونینگ شکست و ترقهلیش آرزوسینی اوزلری بیلن قبرستانگه آلیب بارهدی.
بوگون "شنبه" تیکشیریش عالی ادارهسینینگ باشلیغینی تانیتیش جریانیده جمهورلیک ریاستینی ایکینچی اورین باسرینینگ ایتیشیچه، افغانستان دشمنلری بیرتاماندن تینچلیک شعارینی بیرهدی و باشقه تاماندن ملی اردو کوچلرینی شکست و ترقهلیشی اوچون سعی و حرکت قیلهدی.
جناب دانشنینگ اوتگن کونی هلمند ولایتیده صورت تاپگن واقعهگه اشاره قیلیب ایتیشیچه، طالبلر شونینگدیک تروریستی عمللری بیلن عسکرلر روحیهسینی سندیریشنی ایستهیدی، بیراق هیچبیر زمان بو آرزولریگه ییتیشمهیدیلر.
جناب دانشنینگ کوپهیتیریشیچه، امنیتی کوچلر اوتگن 18 ییل جریانیده فداکارلیک و یوقاری روحیه بیلن تروریستی گروهلرگه قرشی اوروشگنلر و بوندن سونگ هم دایمی تینچلیککه قول تاپگنگهقدر مقاومتلریگه دوام بیرهدی.
طالبان جنگریلری "پنج شنبه" کیچه 215 میوند قول اردو قومندانلیگیگه هجوم قیلیب، نتیجه ده امنیتی کوچلردن 23 تهسی هلاک و باشقه 16 تهسی یرهلنگنلر.
هلمند محلی مسووللرینینگ ایتیشیچه، آتیشمه نتیجهسیده 8 خودکش هجومچی شامل 20 طالب هلاک ایتیلگن.
