طالبلردن ایری بولیم محاذ فدایی گروهینینگ بیر خبرنامهده ادعاقیلیشیچه، قطرده طالبلرنینگ سیاسی دفتری مسؤولی سیدطیب آغا «باسقینلر کوپلیگی» باعث، وظیفهسیدن وازکیچگه مجبور بولگن.
طیب آغا میدیاگه بیرنامه یوباریب وازکیچیش دلیلینی، ملاعمر اولیمینی یاشیریش دیگن.
ملا عمر اولیمی توغریسیده بولگن بیرینچی خبر محاذ فدایی گروهی تامانیدن نشر ایتیلدی و بو گروه طالبلر رهبری قتل ایتیلگن دیب ادعا قیلگن ایدی.
افغانستان جمهور رییسلیک سرایی اوتکن هفته چهارشنبه کون معلوم قیلیشیچه، ملا عمر ایکی ییل آلدین پاکستاننی کراچی شهریده اولگن ایکن و اوندن کیین، طالبلرهم اونینگ اولیمینی تصدیق لهدی.
ملا عمر اولیمیدن کیین، مذکور گروه اعضاسی ایچیده قرهمه قرشیلیکلر شدتلندی و طالبلرنینگ بلند مرتبهلی اعضالریدن بیرقطاری، اوشبو گروه ینگی رهبری ملا منصورگه قرشیلیک کورستکن.
طیب آغا اوز نامهسیده پاکستان تامانیدن تینچلیک مذاکره باشلنگنی و ملا عمر اولیمی یاشیریلگنینی طالبلرنینگ کته خطالریدن دیگن.
طیب آغاگه کوره، افغانستان ایچیده طالبلر ینگی رهبری، مذکور گروه اعضالری حضوریده تعیینلنیشی لازم ایدی. او شونینگدیک، مملکتدن تشقری ملا اختر محمد منصورنینگ رهبر صفتیده تعیینلنیشینی اوشبو گروهنی باشقه بیرخطاسی دییدی.
شونینگدیک، طالبلر اوشبو ییریک ملازمینینگ ایتیشیچه، قچانکه تشقریدن افغانستانده رهبر تعیین بولگن بولسه، سلبی نتیجهلر بیلن بیرگه بولگن.
سید طیب آغا نامهسینی اداغیده یازیشیچه، اوز وجدانی آلدیگه خجالت و شرمندهبولیب و رهبرینینگ ایستکلریدن تشقری چیقیشنی ایستمهیدی، انه شو سبب قطرده طالبلر رفتری باشلیغلیگیدن وازکیچگن.
اونینگ اوز نامهسیده یازیشیچه، بوندن کیین هیچ بیرپیام ده، اسلامی امارات قرارلری و بیاناتلری شریک بولمهیدی و هیچ بیر تاماندن حمایت قیلمهیدی.
سید طیب آغا، کویته کینگشی رهبرلیگی ییریک اعضاسی و ملا عمر قرینداش لریدن بولگن. او میلادی 2009- ییل قطرده طالبلر سیاسی دفتری باشلیغی بولدی.
عین حالده، ایتیلیشیچه، ایکی ییل آلدین طالبلر اوشبو ییریک رسمینینگ قطرده طالبلر سیاسی دفتری باشلیغلیگیدن استعفا بیرگنی توغریسیده خبر بیریلگن ایکن، اوندن کیین یالغان اثبات لنگن.
سیاسی ایش بیلرمانلردن بیری وحید مژده، مذکور گروه سیاسی دفتری باشلیغینینگ استعفا بیریش دلیلی، اوتکن ایکی ییلده ملاعمر اولیمینی یاشیرین سقلش دیب بیلهدی. جناب مژدهگه کوره، قطرده
طالبلر سیاسی دفتری باشلیغی، بو ایکی ییل جریانیده، برچه سیاستچیلر و دیپلماتلر بیلن اوچرهشگن چاغیده، رهبری بیلن علاقهده بولگنی و اوندن مصلحت آلیشینی ایتر ایکن.
جناب مژده شونینگدیک، طالبلر اوشبو ییریک رسمینینگ استعفا بیریش دلیلینی، افغانستاندن تشقری اینیقسه پاکستانده ملا منصورنینگ طالبلر سابق رهبری اورنیده تعیینلنیشی دییدی. اونینگ ایتیشیچه، طالبلر سابق رهبری اولگینچه پاکستان سفر قیلیشگه علاقه کورستمهگن، بیراق منصور پاکستانده ینگی رهبر صفتیده تعیین بولدی.
مژده، طیب آغانینگ وازکیچیشینی حکومت و طالبلر اورتهسیده اوتکزیلهدیگن تینچلیک مذاکره ضرریگه دیب ایتیشیچه، حاضر کیمسه تینچلیک مذاکرهنی قیتهدن باشله آلمهیدی. اونگه کوره، بو قرهمه قرشیلیکلر حل ایتیلمسه، تینچلیک مذاکره باشلنمهیدی.
ایش بیلرمانلرگه کوره، حاضر ملاعمر اولیمی بیلن، اوشبو گروه اورتهسیدهگی قرهمه قرشیلیکلر آچیق لنهدی.
شونینگدیک بوندن آلدین، طالبلر ییریک رسمیلری، مذکور گروه ایریم بولیملریده اوزگریشلر کیلیشیدن خبر بیرگن ایدی.
ایش بیلرمانلرگه کوره، بو سونگی مرته بولمهیدی و شونینگدیک، کیلهجکلرده، مذکور گروه باشقه رسمیلریهم طالبلر صفینی ترک ایتهدی.
