قندهار یشاوچیلرینینگ ایتیشیچه، ولایت بیرقطار امنیتی ادارهلری عیبلنگن کیشیلرگه قرشی قیناقلیکدن ایش آلهدی.
اولرنینگ ایتیشیچه، قندهارده عدلی و قضایی اداره یوقلیگی باعث، عیبلنگنلر محکمه بولیب جزالنمهیدی، بولر محکمهسیز امنیتی ادارهلر تامانیدن اولیم چیگرهسیگچه کلتکلنهدی.
مذکور ولایت یشاوچیلریدن بیرقطاری ولایت بناسی اونگیده توپلهنیب ایتیشیچه، پولیس بیر دکاندارنی پنجوایی تومنیده کلتکلب اولدیرگن.
ولایت یشاوچیلریدن بیری عبدالواحد، پولیس کوچلریدن بیری بو دکاندارنی آلدیگه باریب اونگه: «قومانداننی سینگه ایشیبار و او سینی کوریشنی ایستهیدی». عبدالواحدنینگ کوپهتیریشیچه، پولیس ساعت 11 ده اونی اوزی بیلن آلیب کیتدی و کیچ قورون ساعت اوچده اونینگ جسدی بیر چقوردن تاپیلدی دیگن.
اوشبو یشاوچینینگ ایتیشیچه، بوندهی بیرواقعهلر نیچه مرته تکرار بولگن. اولرنینگ کوپهیتیریشیچه، نیچه مرته عیبلنگنلر امنیتی حوزهلرده بیر- ایکی آی محکمهسیز قیناققه آلینگن.
عین حالده، کندهار والیسی سوزلاوچیسی صمیم اِخپلواکنینگ سلاموطندارگه معلوم قیلیشیچه، بوندهی بیرگپلر اولرنی قولاغیگههم ییتیشگن، بیراق حاضرگچه بو توغریده معلومات قولگه کیریتمهگنلر. شونینگدیک، جناب خپلواک، بو قضیه توغریسیده اولرنینگ تیکشیرولر دوام ایتماقده دیگن.
اخپلواکنینگ ایتیشیچه، کوپینچه کیشیلر عایلهوی اوروشلر و خصومتلرنی امنیتی کوچلرگه نسبت بیرهدی و بو موضوع حقیقتدن اوزاق دیر.
قندهار والیسی سوزلاوچیسی، بو قضیه حقیقت بولگن صورتده، قانون برچهگه بیردیک عملگه آشیریلهدی و هیچ بیر جنایتچی قانوندن قاچه آلمهیدی دیگن.
اونینگ کوپهیتیریشیچه، قندهار پولیسی انچه پیتدن بویان مهارتلی بولگن، جنایتچیلر و عیبلنگنلر بیلن قندهی حرکت قیلیشنی یخشی بیلهدی.
باشقه تاماندن، قندهارده انسان حقوقلری کمیسیونی حوزهیی مسوولی عبدالقادر نورزینینگ سلاموطندارگه ایتیشیچه، افغانستان اساسی قانونی 58- مادهسیگه کوره، هربیر یشاوچینینگ حقوقی نقض بولگن بولسه، بو حقوقینی قیته تیکشیرهآلهدی.
جناب نورزینینگ ایتیشیچه، حقوقلری آیاغ آستی بولگن کیشیلر، حجت و اسناد بیلن ثابت قیلهآلهدی، ثابت قیله آلمهگن صورتده، شایعه و آوازهلر اولر اوچون قبول ایمس دیر. عین حالده، او، برچه یشاوچیلردن حقوقلری آیاغ بولگن صورتده، مسوول ادارهگه تشریف بویوریشلرینی سورهدی.
بوندن آلدین، جمهور رییس غنی، امیریکه تشقی ایشلر وزیری اورین باسری بیلن جمهورلیک سراییده اوچرهشگن چاغیده، افغانستان تورمهلریدهگی جنایتچیلرنینگ قیناققه آلیشی یکونلنتیریشینی ایتکن ایدی.
شونینگدیک، جمهور رییسنینگ بو اوچرهشووده ایتیشیچه، عدلی و قضایی ادارهلریگه اصلاحات کیلتیریب و حکومت قراری مملکت قماقخانهلریده ناقانونی صورتده محبوسلر قیناققه آلینیشینی اورتهدن کوتریش اوچون جدی دیگن.
