.jpg)
داعش گروهی جوزجان ولایتینینگ درزاب تومنی مغل و اولاد قیشلاقلری اهالیسینی کوچیشگه مجبور قیلیب و دروازهلرینی آچیق قوییب کیتیشلرینی ایستهگن. ایتیلیشیچه، داعش جنگریلری اویلردن سنگر صفتیده امنیتی کوچلر برابریده فایدهلنیشی ممکن.
اوشبو قیشلاقلرنینگ اهالیسی حاضر جوزجان شهریده یشهیدیلر. اولرنینگ ایتیشیچه، داعش اولرنی منطقهلرینی ترک قیلیشگه مجبورلگن و قیتیب کیلگن صورتده، اولدیریلیشلری توغریسیده آگاهلنتیرگن.
شونینگدیک، اوشبو بدرغهلرنینگ ایتیشیچه، تینچ اهالیدن بیرقطاری، داعش جنگریلری بیلن جنجل قیلگنی نتیجهسیده هلاک و یرهلنگن. بیراق، اوشبو گروه جنگریلری، جسدلر و یرهلنگنلرنی انتقال بیریشگه رخصت بیرمهیدی.
 - Copy 1.jpg)
سلاموطندارگه صحبت بیرگن درزاب تومنینینگ پولیس قومندانلیگی سرپرستی اماناللهنینگ ایتیشیچه، اوشبو بدرغهلرنینگ رقمی 400 عایله گه ییتیشهدی. درزاب پولیس قومندانلیگی سرپرستی گه کوره، داعش گروهی اهالی دروازهلری آچیق قوییلیشیگه قوشیمچه، «ایت آسرهگن عایلهلر، حیوانلرینی اوزلری بیلن آلیب کیتیشلری توغریسیده آگاهلنتیرگن.» امانالله نینگ اورغولشیچه، بدرغه عایلهلرنینگ وضعیتی خواطرلی دیر و کون اوتیشی بیلن اوشبو عایلهلرنینگ رقمی کوپ بولماقده.
جوزجان ولایتینینگ درزاب تومنی انچه مدتدن بویان داعش گروهینینگ کینگ فعالیتیگه گواه بولگن و سونگی کونلر مذکور تومنده امنیتی کوچلر تامانیدن حربی عملیات یولگه قوییلدی و حاضر جوزجان ولایتینینگ تومنلرینی ایریم منطقهلریده ایکی تامان آرهسیده قتیق آتیشمهلر دوام ایتماقده.
