فاریاب ولایتی شیرینتگاب تومنینینگ سرپرستی سیدلقمان گهریک، مذکور تومن «آستانه بابا» منطقهسی طالبلر قولیگه توشگنینی تأیید قیلیب سلاموطندارگه ایتیشیچه، آستانه بابا سقوطیگه، ملی پولیس خاص کوچلرینینگ آرقهگه چیکیلیشی سبب بولگن.
جناب گهریکنینگ ایتیشیچه، خاص قطعه کوچلرینینگ آرقهگه چیکیلیشی سبب؛ خلق روحیهسی ضعیف بولیب و اولر پوستهلرینی ترک ایتیشگه مجبور بولگنلر.
شیرینتگاب تومنی باشلیغینینگ کوپهیتیریشیچه، آستانه بابا 40 قیشلاقدن تشکیل ایتیلگن و اونی قولدن کیتگنی سبب، شیرینتگاب، خواجهسبز پوش و دولت آباد تومنلری سقوط خطریگه روپهره بولگن.
شیرینتگاب تومنی سرپرستی، خاص پولیس کوچلرینینگ آرقهگه چیکیلیشینی قاچیش بیلیب ایتیشیچه، اولرنینگ قاچیشی بیلن یوزلرچه عایله یمان شرایطده اویلریدن قاچیب، مذکور تومن مرکزیگه جایلشگنلر.
عین حالده، فاریاب خلقینینگ پارلماندهگی نمایندهسی آصفه شادابنینگ سلاموطندارگه ایتیشیچه، فاریاب ولایتینینگ سرپرستی، منطقهدهگی محلی کوچلرگه یاردم بیرمهگنی باعث آستانه بابا، سقوط قیلگن. اونینگ کوپهیتیریشیچه، اویغورسیزلیک سبب؛ کوپینچه محلی کوچلر اوروشدن قول تارتکن.
خانم شادابنینگ کوپهیتیریشیچه، فاریاب طالبلر اوچون اساسی ولایتلردن بیری بولگن و بو گروه مذکور ولایتنی قولگه کیریتکنیدن کیین، کابلنی آلیش اوچون اوزلریگه توسیق کورمیدیلر.
پارلمان نمایندهلریدن باشقه بیری فتحالله قیصارینینگ ایتیشیچه، اوتکن کیچه المار تومنی قرایی پوستهلری کیتمه کیت قولدن کیتگن و خلق ایچیدن باش کوترگن کوچلر طالبلرنینگ قمراویگه قالگن.
جناب قیصارینینگ کوپهیتیریشیچه، بو اوروشده یوزلرچه قورالی طالب قرایی منطقهسیگه هجوم اویوشتیرگن. طالبلر مذکور منطقهدهگی 400 محلی پولیسنی اوروشدن آلدین آگاهلنتیریشیچه، بو گروه بیلن اوروشگن صورتده اولرنینگ باشینی کیسهدی.
جناب قیصارینینگ ایتیشیچه، کوپلب سعی و حرکت بیلن بو واقعهنی ایچکی ایشلر وزیری جناب علومی، جناب استانکزی و جناب نبیل بیلن شریک قیلگن و اولر تیزلیکده خاص کوچلرنی یوباریشگه وعده بیرگن.
فاریاب ولایتی شیرینتگاب تومنینینگ آستانه بابا منطقهسی، اوتکن هفته چهارشنبه کون، ایچکی ایشلر وزیری نورالحق علومینینگ فاریاب ولایتیگه سفر قیلیب، ولایت یشاوچیلریگه، طالبلرگه قرشی کورهشیش اوچون پولیس کوچلریدن ایکی خاص قطعه بو ولایتگه یوباریشینی ایتکن بیرچاغده سقوط قیلگن.
آستانه بابا منطقهسی، نیچه کون آلدین دولت تامانیدن، فاریاب ولایتی پشتونکوت، خواجه سبزپوش، شیرینتگاب، قیصار و المار تومنلری قولدن کیتگن قیشلاقلرینی قیتهدن آلیش اوچون «اوچینچی قیلیچ» آتلی بیر عملیات یولگه قوییلگن بیرچاغده قولدن کیتگن.
