سنترال هوتلی سومالی باشکینتی موگادیشو نینگ گوزهل هوتللریدن بیری دیر.
جمعه کونی حوت آیی نینگ بیرینچی سیده سومالی الشباب عصیانچی گروهی موگادیشو هوتلیگه هجوم ایلتگندی.
سومالی جمهوری ریاست کاخیدن ایکی یوز متر فاصله ده جایلشگن سنترال هوتلی نینگ کیره دیگن ایشیگیده پارتلش مادهلری اورنشتیریلگن موتر پارتلنگندن کیین بوتونلی بو ایشیک اورته دن کیتگن و پارتلاوچی شخص هوتل ده کیرگن.
بو هوتل امنیتی لحاظیدن تیکشیرو پولیس نظری آستیده ایدی.
بوحادثه یوزبیرگن پیتده مذکور هوتلده دولتی مقامات جملهدن وزیرلر و ملی کینگش نمایندهلری بار ایکن موگادیشو ملی کینگش نماینده لریدن بیری و شهر دار اورین باسری و باشقه 20 گه یقین کیشی اولیب و باشقه ایکی وزیر هم یره کوترگن.
الشباب گروهی نینگ سوزچیسی عبدی عزیز ابومصعب بو هجوم مسؤولیتینی اوز زمه سیگه آلگن و سومالی دولتی مجاهدلر قولیدن هیچ بیرنقطه گه امان ایمس لیگینی ایتگن.
الشباب عصیانچیلری نینگ سیاسی هیئیتی ترکیه ده یشب کیلماقده، بوگروه اوتگن آیده هم موگادیشوده هجوم ایلتگن ایدیلر، نتیجه ده هوتل قوریچیلریدن 3 کیشی اولگن ایدی.
اوتگن سپتمبر آییده امیریکه لیک پیلوت سیز اوچقیچلری نینگ هجومی نتیجه سیده الشباب گروهی نینگ باشلیغی احمد غودانی اولگن ایدی. اوندن کیین احمد عمر الیاس عبیده الشباب ینگی باشلیغی حیثیده تنلنگن ایدی. سومالی دولتی عبیده نینگ تاپیش اوچون ایکی میلیون دالرنی کورستگن آدمگه بیریش وعده سینی قویگن.
الشباب گروهی اوزینی القاعده گروهی نینگ بیر شاخه سی بیله دی، اوز فعالیتینی میلادی 2006 ییل سومالیده باشلهدی. بو گروه هدفی شریعت قانونلریگه اساسن اسلامی دولت تشکیل بیریش دیر.
