طالبان گروهی ایرتهلب ساعت 2 اطرافیده قندوز مرکزی اوستیگه هجوم قیلگن و حاضرده طالبان جنگریلری و امنیتی کوچلر آرهسیده اوروشنی دوامی بار.
قندوز حوزهیی کسلخانهسیدن بیر منبع نینگ کیملیگی سیرقالیشنی ایستهب سلاموطندارگه ایتیشیچه، کسلخانه اوستیگه ایکی راکت اوقی آتیلگن و نتیجهده بیر موتر تخریب ایتیلگن.
منبع نینگ کوپهیتیریشیچه، طالبان هجوم نتیجهسیده اونلرچه کیشی هلاک ایتیلیب و یرهلنگن. اونینگ ایتیشیچه، یرهلنگن کیشیلر قندوز حوزهیی کسلخانهسیگه انتقال بیریلگن.
.jpg)
قندوز پولیس قومندانلیگی سوزلاوچیسی سیدسرور حسینی نینگ بو خبرنی تصدیقلب ایتیشیچه، امنیتی کوچلر، طالبان گروهیگه کوپینجه تلفات ییتیشتیرگن. جناب حسینی گه کوره، حاضرده کمکی کوچلر ساحهگه جایلشگن و تیزلیککه وضعیت عادی بولهدی.
قندوز یشاوچیلری نینگ ایتیشیچه، پولیس بیرینچی حوزهسی، سهدرک و خانآباد بندریده اوورشنی دوامی بار.
