طالبان گروهی بیر خبرنامه ترقهتیب سلام مخابراتی ترماغی نینگ حربی هجوم گه تهدید قیلیب و ایتیشیچه، مذکور مخابراتی ترماق نینگ مشتریلری بیلن هم قانون اساسیده یاندهشیلهدی.
بوگون «دوشنبه، 4- سنبله» طالبان گروهی نینگ «مؤسسهلر و شرکتلرنی نظارت قیلیش کمیسیونی» تامانیدن نشر قیلینگن خبرنامهده کیلیشیچه، «مذکور شرکت تامانیدن ییر آستیده فرش قیلینگن فایبر کیسیلهدی و شونینگدیک، بو شرکت نینگ نقلیه واسطهلری و ایشلاوچیلری بیلن استخباراتی ادارهلر کبی یاندهشیلهدی.»
طالبان گروهی نی مؤسسهلر و شرکتلرنی نظارت قیلووچی کمیسیونی نینگ ایتیشیچه، اوشبو قرار مذکور مخابراتی ترماق بو کمیسیون نینگ قاعدهلریدن تکراری شکلده باش تارتگنی و کابل و آمریکاییلر ادارهسی اوچون مخبرلیک فعالیتی باعث، آلینگن.
مذکور گروه نینگ خبرنامهسیده ایتیلیشیچه، سلام مخابراتی ترماغی بو گروه نینگ قونغیراقلرینی کشفی و امنیتی ادارهلر و آمریکا دولتی بیلن شریک قیلهدی.
ایچکی ایشلر وزیرلیگی بو تهدیدنی افغانستان اهالیسی گه قرشی دوشمنلیک بیلیب ایتیشیچه، خوفسیزلیک کوچلری سلام مخابراتی ترماغی شامل برچه مخابراتی ترماقلرنینگ خوفسیزلیگی نی سقلش اوچون سعی و حرکت قیلهدی.
عین حالده، مخابرات و معلومات وزیرلیگی مسؤوللری نینگ ایتیشیچه، هیچ بیر تهدید سلام شرکتی نینگ فعالیتلریگه توسیق بوله آلمهیدی.
کابلده اوتکزیلگن خبری بیر ییغینده مذکور وزیرلیک سرپرستی فهیم هاشمی نینگ ایتیشیچه، سلام مخابراتی ترماغی اوتمیشلر کبی فعالیتلریگه دوام بیرهدی.
طالبان گروهی سلام مخابراتی ترماغی نینگ آگاهلنتیرگن بیرچاغده، بادغیس، سرپل و باشقه بیرقطار ولایتلرده مخابراتی ترماقلرنینگ فعالیتی کیچه تامان مذکور گروه تامانیدن کیسیلهدی.
شو توغریده…
بادغیس ده طالبان کیچه تاماندن مخابراتی ترماقلرنینگ فعالیتینی کیسگن
