بوگون ایرتهلب بگرام قرارگاهیده کوچلی بیر پارتلش یوز بیرگن.
اوشبو واقعهنی تصدیقلگن پروان پولیس قومندانی جنرال محمدزمان مموزینینگ سلاموطندارگه ایتیشیچه، بو واقعه امیریکه کوچلرینینگ ییمک خانهسی یقینی بگرام ایچیده یوز بیرگن. جناب مموزیگه کوره، پارتلش نتیجهسیده 3 کیشی هلاک و 12 کیشی یرهلنگن.
شونینگدیک، بگرام ولسوالی عبدالشکور قدوس، واقعهنی تصدیقلگن. بیراق، حادثه قندهیلیگی توغریسیده هیچ نرسه دیمهیدی.
جناب قدوسنینگ ایتیشیچه، بگرامگه پارتلاوچی ماده آلیب کیریش قیین و خودکش هجوم امکان اوزاق دیر و بو واقعه احتمال باریچه پارتلاوچی مادهنی سیناودن اوتکزیشدن کیلیب چیققن.
ناتو کوچلری دفتری هم بو واقعهنی تصدیقلگن. اوشبو دفتر تامانیدن ترقهتیلگن خبرنامهده ایتیلیشیچه، مذکور واقعهده یرهلنگنلر، قرارگاهگه تیگیشلی کسلخانهگه ییتکیزیلگن و قضیه توغریسیده تیرگاو باشلنگن.
