ساغلیقنی سقلش وزیرلیگینینگ بلند مرتبهلی رسمیلری اون تورتینچی سپتامبر یعنی خلق ارا اوزینی اولدیریشنی آلدینی آلیش کونی مناسبت بیلن اوتکزیلگن ییغینده افغانستانده اوز جانیگه سوء قصد قیلیش، اینیقسه یاشلر ایچیده کوپیگنلیگی بارهسیده خبر بیرگنلر.
مذکور وزیرلیکنینگ بهداشتی خذمتلر بوییچه اورین باسری ناجیه طارقنینگ بوگون 23- سنبله انه شو مناسبت بیلن یولگه قوییلگن ییغینده ایتیشیچه، میلادی 2014- ییلده دنیا ساغلیقنی سقلش تشکیلاتی تیکشیروینینگ معلوم قیلیشیچه، افغانستان بویلب 1205 کیشی اوز جانیگه سوء قصد قیلگن. ساغیلقنی سقلش وزیرلیگی اورین باسری یاشلر ایچیدهگی خودکشلیکنینگ اساسی عاملی ایشسیزلیک، جنسی و عایلهوی زوروانلیکلر، مخدر مادهلرنی ایشلهتیش و بیلیم یورتلرگه کیریشگه موفق بولمسلیکدن عبارت دیگن.
شونینگدیک خانم ناجیه، افغانستان عالی تحصیلات وزیرلیگیگه یاشلر اوچون تحصیلی شرایط یرهتیلیشینی تکلیف قیلگن و عین حالده مملکت بویلب بیلیم یورتلرگه محصللر کوپراق جذب ایتیلیشی ضرور.
عین حالده، خانم طارق 15% روحی توشکونلیککه چلینگنلر اوزلرینی
اولدیریش خطری بیلن دوچارلر دیگن.
باشقه تاماندن افغانستان خاتین قیزلر وزیرلیگینینگ بهداشت رییسی مرغله خاراگه کوره، مملکتده اوز جانیگه سوء قصد قیلیشنینگ انیق رقمی بیللی ایمس و کوپراق ارایه ایتیله دیگن رقملر تقریبی دیر.
خانم خارا، کوپچیلیک عیاللر عایلوی زوروانلیکلر باعث اوز جانلریگه سوء قصد قیلیشگه اولگوره دیلر، اما واقعه اهالی همده عاموی اخبارات واسطهلری کوزیدن یاشیریلهدی.
شونینگدیک خانم خارا زوروانلیکنی توسیش کمیسیون ایجاد ایتیلیشی، عیاللرگه قرشی زوروانلیکنی توسق قانونی توشیح ایتیلیشی و خاتینلرگه قرشی قوللنیه دیگن زوروانلیک آلدینی آلیش اوچون 16 کونلیک کمپاین اوتکزیلیشی اوز جانیگه سوء قصد قیلیشنینگ آلدینی آلیش اوچون ایجابی تاثیر بار دیگن.
دنیا ساغلیقنی سقلش تشکیلاتینینگ نمایندهسی سپوریا وراسا فیتانا، اوشبو تشکیلاتنینگ حساباتیگه کوره، میلادی 2015- ییلده دنیا بویلیب 8 مینگ نفر اوز جانیگه سوء قصد قیلگن.
