سلاموطندارگه صحبت بیرگن قندوز ولایت کینگشی اعضاسی سید اسدالله سادات نینگ ایتیشیچه، بوگون ایرتهلب بامداد چاغی قوراللی طالبلر مذکور ولایتنینگ قلعهزال تومنینی کُلختپه قیشلاغیدهگی محلی پولیس پوستهلری اوستیگه گروهی شکلده هجوم قیلگن. جناب سادات گه کوره، حاضرگچه اوشبو آتیشمهده 4 محلی پولیس هلاک ایتیلگن.
جناب ساداتنینگ ایتیشیچه، محلی پولیس قومندانلریدن بیری نبی گوچلی طالبلر قمرویگه قرار تاپیب و طالبلر ایسه اهالینینگ اویلریده ییرلشگن. سادات که کوره، امنیتی مسووللر دقت قیلمهگن صورتده، اوشبو قیشلاقنینگ طالبلر قولیگه سقوط قیلشی ممکن.
عینحالده، قندوز پولیس قومندانلیگینینگ سوزلاوچیسی انعامالدین رحمانی، مردمی کوچلر قومندانینینگ قمروگه قالگنینی تصدیقلب و تیزلیککه اوشبو منطقهده عملیات یولگه قویلیشی ممکن دیدی.
بیراق طالبلر سوزلاوچیسی ذبیحالله مجاهدنینگ میدیالرگه ایتیشیچه، مذکور هجوم نتیجهسیده مردمی کوچلردن 3 قومندانی شامل 17 کیشی هلاک ایتیلگن.
