غور والیسینینگ سوزلاوچیسی عبدالحی خطیبینینگ سلاموطندارگه ایتیشیچه، اوتکن یکشنبه کونی توشدن آلدین 400 طالب ولایت چهارسده تومنی مرکزی پولیس پوستهسیگه هجوم اویوشتیرگنلر.
غور ولایت سوزلاوچیسینینگ ایتیشیچه، بو گروهی هجوم کندز، فاریاب، بادغیس وغور ولایتلرینینگ جنگریلری تمانیدن بیرلیکده عملگه آشیریلگن.
خطیبیگه کوره، اوروش حاضرگه قدر مذکور تومنده دوام ایتیب بارماقده.
خطیبینینگ ایتیشیچه، حاضرگه قدر مذکور گروهی هجوم تلفاتی توغری سیده انیق معلوماتی یوق؛ اما گزارشلرگه کوره، جنگریلر آغیر تلفات کورگن و اوروش امنیتی کوچلر نفعگه آلغه بارماقده.
شونینگدیک خطیبینینگ ایتیشیچه، بوگون ایرتهلب هوایی کماندو یاردم بیروچی کوچلر محلیده یوباریلگن.
شونینگدیک، اوتکن کون طالبلر اولکه غربی بادغیس ولایتینینگ جوند تومنی اوستیگه هجوم اویوشتیریب مذکور تومننی باسیب آلگن ایدیلر.
اوتکن کون ایرتهلب بادغیس ولایتی کینگش باشلیغی بهاءالدین قادسینینگ سلاموطندار بیلن تیلفون آرقهلی سوزلهشیب ایتیشیچه، شنبه کونی کیش قورونده کمیده 700، 800 جنگری طالبلر بادغیس ولایتینینگ جوند تومنی اوستیگه هجوم اویوشتیریلگن، نتیجهده مذکور تومن جنگری طالبلر قولیگه توشگن.
اما محل یشاوچیلرینینگ ایتیشیچه کمیده 1200 طالب بو تومنده هجوم اویوشتیرگن ایکنلر.
جناب قادسیگه کوره، برچه محلی رسمیلر، دهنو ناملی منطقهده یاشینیب، جنگری طالبلر قمراویگه قالگن. بادغیس ولایت کینگش باشلیغینینگ آگاهلنتیریشیچه، مرکزی حکومت دقت قیلمهگن صورتده، برچه محلی رسمیلر هلاک بولیشلری ممکن.
شونینگدیک، ملی مدافعه وزیرلیگینینگ رسمیلری مذکور تومننی جنگری لر قولیدن قیته آلیش اوچون خاص کوچلر یوباریلگنیدن خبر بیرگنلر.
جنگری طالبلر هجومی اولکه ایریم منطقهلریده شدت تاپگن و امنیتی کوچلر حاضرگی کونلرده نیچه تمانلمه طالبلرگه قرشی اوروشیب کیلماقدهلر.
