.jpg)
قندوز ولایتینینگ قلعه زال تومنی بوندن بیش آی آلدین قندوز مرکزی قوراللی طالبلر اشغالیگه اوتیشی بیلن سقوط قیلگن ایدی؛ اما، بو تومن افغان ملی کوچلرینینگ سعی وحرکتی نتیجهسیده جنگری طالبلر تصرفیدن آزاد ایتیلدی.
حاضر ایسه ولایت کینگشینینگ بیر قنچه اعضالری قوشیمچه قطار یشاووچیلر، تیزلیکده بو تومنده ییریک حربی عملیات اوتکزیلمه گن تقدیرده، قلعه زال تومنی ینه جنگریلر ادارهسیگه اوتیشی بارهسیده آگاهلنتیریلگنلر.
قلعه زال یشاووچیلریگه کوره، قوراللی طالبلر تصرفیدن آزاد ایتیلگن منطقهلر بوتونلی عصیانچیلردن تازلهنیش اوچون هیچ قندهی تازهلش عملیات اوتکزیلمهگن.
قندوز ولایت کینگشینینگ اعضاسی امرالدین ولی موضوعنی تصدیقلب ایتیشیچه، قلعه زال تومنی نینگ 50% جنگری طالبلر آرقهلی اشغال ایتیلگن.
.JPG)
اوشبو تومنده تیزلیکده کته حربی عملیات یولگه قوییلمهگن حالده، تومن بوتونلی قوراللی مخالفلر قولیگه اوتیشی ممکن دییلگن.
اما، قلعه زال تومنینینگ ولسوالی محبوبالله، ولسواللیک قیته جنگریلر تامانیدن تصرف ایتلیشی ممکن ایمس دیب، تیزلیکده ییریک حربی عملیات یولگه قوییلیشینی تیلگه آلگن.
تومن حالکمی قلعه زالنینگ توپلم 74 قیشلاغیدن 32ته سی دولت قوراللی مخالفلری قولیده دیگن. ایتیلیشیچه، مذکور منطقهلرده 300 دن آرتیق جنگری موجود.
قوراللی طالبلر بیرینچی مرته بوندن نیچه آی آلدین مملکت شمال شرقیده جایلشگن قندوز ولایتیده ییریک عملیات اوتکزیب شهر مرکزینی اوز تصرفلریگه آلگن ایدی.
واقعه دن سونگ جمهور رییسلیک سرایی حادثه تیکشیریلیشی اوچون کمیسیون تعین ایتگن ایدی. کمیسیون تیکشیرووینینگ نتیجهسی عقرب آیی نینگ آخریده اعلان ایتیلدی.
