بوگون (شنبه) توشدن سونگ کرواسیا توپراغیده افغانستان و سوریه قاچقینلری اورتهسیده یوز بیرگن توقشووده ایکی تامانگه هم تلفات ییتگن.
توقنشوو مهاجرلرنی آلیب کیتووچی قطارلر تامانگه هجوم قیلیب هر بیری اوزینی مذکور قطارگه تیز ییتکزیشده سعی وحرکت قیلگن بیر چاغده روی بیرگنی ایتیلهدی.
بریتانیالیک «دیلی میل» کوندهلیگینینگ یازیشیچه، مذکور مهاجرلر «مانستر ترین» بیکتیده توقنهشیب بیر – بیراو لرینی شیشه، یغاچ و تاش هجومی آستیگه آلگنلر.
افغانستان و سوریهلیک مهاجرلرنی ترقهتیب یوباریش اوچون محل پولیسی ارهلهشیب، توقنشووگه پایان بیرگن.
هنوز گچه توقنشوو بارهسیدهگی تلفات اوچون انیق معلومات قولده ایمس، بوندن آلدین هم اوشبو قاچقینلر صربستان چیگرهسیده هم بیر- بیراولری بیلن نزاعلری بولگن.
گزارشلرده ایتیلیشیچه، یالغوز 2014- ییلده بوتون دنیا بویلب مهاجرلرنینگ 44% افغانستانلیکلر تشکیل ایتگن. قاچقینلرنینگ کوپچیلیگی یاشلر و گودکلر ایکنی ایتیلهدی.
مملکتده اوزاق اقتصادی کیلهجک بولمهگنی و تشقی مملکتلرده ایش زمینهسی موجودلیگی افغانستانلیکلرنی مملکتنی ترک قیلیشلری اوچون بیرینچی دلیل بولگن.
شونینگدیک بیرلشگن ملتلر تشکیلاتی سوریهلیک 22 میلیون مهاجرنی اروپا مملکتلریگه هجوم قیلگن لیگینی ایتگن.
سوریهلیک اوچ یاشلر بالهنینگ ترکیه دیگیز قیرغاغیده جسدی تاپیلیشی آرتیدن اروپا دولتلری مهاجرلرگه بولگن سیاستلرینی اوزگرتیردی و اوشبو اورپا مملکتلری سابقهسیز روشده قاچقینلرنی اوز مملکتلریگه خوش قرشیلهدی.
اروپا مملکتلری حاضرگی کونده مهاجرلرنینگ سابقهسیز هجوملرینی حل قیلیش اوچون مذکور حوزهدهگی مملکتلرگه ترقتهتیشنی نظرده توتگن. گزارشلرده آلمان 31، فرانسه 24 و اسپانیا ایسه 14 مهاجرگه باش پنه بیریشنی انابتگه آلگن.
